Хаартыска СӨ Гражданскай оборуона дьыалатыгар министиэристибэ пресс-сулууспатыттан
Гражданскай оборуона дьыалатыгар уонна нэһилиэнньэ олоҕор-дьаһаҕар куттал суох буолуутун хааччыйыыга миниистир Дмитрий Лепчиков салалталаах оробуочай бөлөх Орто Халыма оройуонугар үлэлиир.
Бөлөх гидротехническай тутуулары бэрэбиэркэлээтэ, нефтебазаны, быстах кэмҥэ дьону олохтуур пууну көрдө-иһиттэ. Орто Халымаҕа үлэ хаамыытынан Баһаарынай чаас кэллэктиибин кытары көрүстэ.
«Саха сиринээҕи күнү-дьылы кэтээн көрөр сулууспата барыллаан сабаҕалыырынан, Халыма өрүскэ уу таһыма үрдүк буолуоҕа, Халыматааҕы күнү-дьылы кэтээн көрөр сулууспа дааннайынан, хаар саппааһа нуорматтан 10-30% элбэҕэ бэлиэтэнэр. Биһиги үлэбит бастакы соругунан – муниципальнай тэриллиилэргэ, нэһилиэнньэлээх пууннарга көмөлөһүү, бары гидротехническай тутуулар үлэлэрэ туруктаах буолууларыгар уонна дьон-сэргэ сааскы халаан кэмигэр кыһалҕаны көрсүбэт усулуобуйаларын тэрийии буолар. Орто Халыма куоратыгар «Воинскай» даамбаны бөҕөргөтүү үлэтэ ыытыллыаҕа. Билиҥҥи туругунан, сааскы халааны көрсөргө күүс-кыах толору баар», — диэн миниистир Дмитрий Лепчиков эттэ.
Эбийиэктэри бэрэбиэркэлээһин уонна чинчийии кэнниттэн Дмитрий Лепчиков ыксаллаах быһыыны-майгыны сэрэтэр уонна туоратар хамыыһыйа мунньаҕын ыытта. Онно оройуон халааҥҥа бэлэмнэниитин уонна баһаарынай куттал суох буолуутун хааччыйыы боппуруостарын туһунан кэпсэттилэр. Сүбэ мунньахха халааҥҥа бэлэмнэнии тэрээһиннэрин бэрээдэгин уонна муниципальнай тэриллии тэрилтэлэрин бэлэмнэрин итиэннэ Халыма, Березовка уонна Алаһыай өрүстэр сабаҕалааһын быһыытынан хаһан эстиэхтэрин дьүүллэстилэр диэн СӨ Гражданскай оборуона дьыалатыгар уонна нэһилиэнньэ олоҕор-дьаһаҕар куттал суох буолуутун хааччыйыыга министиэристибэ пресс-сулууспата иһитиннэрэр.
Ыам ыйын 15 күнүгэр Үөһээ Бүлүү улууһун Туобуйа нэһилиэгэр икки киһи эмсэҕэлээһиннээх быһылаан тахсыбыта. Туобуйаттан…
Бэҕэһээҥҥиттэн, ыам ыйын 16 күнүттэн, «Полярные авиалинии» Ми-8 бөртөлүөтэ Өлүөнэ өрүһү туоратар үлэтин саҕалаата диэн…
Бүгүн, ыам ыйын 17 күнүгэр, Дьокуускай-Аллараа Бэстээх хайысханан сылдьар "хивустар" сырыылара сөргүтүллүбүтүн туһунан СӨ Тырааныспарга…
Сорохтор сааскы көмүөл Өлүөхүмэ улууһун ааспыта, туох да куттал суох диэтэллэр да, күн бүгүн Кыыллаах…
“Улуустарга эрийэн, үүттэрин харчыта тиийбитин туоһуластыбыт. “Түспүтэ”, – дэһэллэр. Уонна үүт соҕотуопкатыгар сыһыаннаах санааларын, аахсыбыт…
Дьокуускайга "Үс хатыҥ" этнокомплекска аны балтараа ыйынан Туймаада ыһыаҕа буолуоҕа. Маны көрсө Дьокуускай куорат дьаһалтатын…