Хаартыска: Ил Дархан пресс-сулууспата
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар миниистир Дмитрий Лепчиков ньиэп бородууктатын ырыынагар сыананы бигэтитиини Арассыыйа бырабыыталыстыбата ылыммыт дьаһалларын сылыктаата.
Кини этэринэн, биржаҕа сыана динамиката үрдээбитинэн, Саха сиригэр атыыланар уматык сыаната үрдээбит.
« Бу сылга ньиэп бородууктатын навигация хааччахтаах болдьоҕор атыылаһыллар кэмигэр (муус устартан балаҕан ыйыгар диэри) тохтоло суох үүнүү Санкт-Петербургтааҕы табаар биржатыгар көһүннэ. Онон ситимнээн атыылаһыллар сыана ортотунан 30% эмиэ үрдээтэ», – диэн бэлиэтээтэ Дмитрий Лепчиков.
Кини этэринэн, «Саханефтегазсбыт» тиһэҕэр диэри сыананы тутан олорбут. Сыананы, экэниэмикэни учуоттаан туран, тэрилтэҕэ сыана 10% үрдээбэт гына уларытарга быһаарыныы ылыммыт.
Балаҕан ыйыгар Росстат дааннайынан, Саха сириттэн ураты дойду 70-тан тахса эрэгийиэнигэр, сыананы тутан олоруу түмүгүнэн, атыыланыы сыанатыгар 30% үрдээбитин көрдөрбүт. Манан сибээстээн Арассыыйа бырабыыталыстыбатыгар ньиэп бородууктатын экспортын хааччахтыыр миэрэлэр ылыллыбыттар. Балаҕан ыйын үһүс дэкээдэтигэр биржаҕа сыана түһэн барбыт.
Миниистир бэлиэтииринэн, маннык миэрэлэринэн ырыынагы хааччыйан баран, Саха сиригэр уматык сыанатын бигэтитиини оҥоруохтара. Өрөспүүбүлүкэ былааһа салгыы балаһыанньа уонна ньиэп бородууктатыгар сыана динамикатын кэтээн көрүөхтэрэ.
Чэгиэн-чэбдик буолуҥ! Сарсыарда уһуктаат маны оҥор. Этэллэринэн, бу эрчиллиилэр мэйии, харах быччыҥнарын сайыннараллар. 4-5 төгүл үөһэ-аллара,…
Бу күннэргэ күн-дьыл туруга хайдаҕый? Күн-дьыл туругун кэтээн көрөөччүлэр туох диллэрий? Арктика кытылынан сорох сиринэн…
Хой Бу нэдиэлэҕэ күүстээх Меркурий эн бэлиэҕэр төннүөҕэ. Ону кытта ситиһии, табыллыы, баҕа санаа туолуута…
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…