Салгыы
Дмитрий Матвеев: «Сүөһүнү иитиигэ ыччат ылсан үлэлээн эрэриттэн үөрдүм»

Дмитрий Матвеев: «Сүөһүнү иитиигэ ыччат ылсан үлэлээн эрэриттэн үөрдүм»

06.04.2023, 18:10
Ааптар хаартыскаҕа түһэриитэ
Бөлөххө киир:

Тыа хаһаайыстыбатын оҥорон таһаарааччыларын сийиэһин иккис күнэ салҕанар.

Бүгүн сийиэс дэлэгээтэ Хаҥалас улууһун Хоточчу нэһилиэгин бааһынай хаһаайыстыбатын салайааччыта Дмитрий Матвеев санаатын үллэстэр:

— Биһиги уопсайа 115 сүөһүнү, ол иһигэр 51 ыанар ынаҕы иитэбит. Сүрүннээн үүт туттарабыт. Быйыл «Дьиэ кэргэн пиэрмэтэ» граҥҥа кыттан ыллыбыт.

Хаһаайыстыбабытын дьиэ кэргэнинэн, ийэбит Зинаида Дмитрьевна, кийиитим Луиза, уолум Василий буолан көрөбүт.

Оттон ылбыт гранмытынан оттуур тиэхиньикэ ылар былааннаахпыт.

Сийиэскэ бастакы сылдьыым, мин санаабар, тыа хаһаайыстыбатын оҥорон таһаарааччыларыгар олус надалаах тэрээһин эбит. Тыа хаһаайыстыбатынан эдэриттэн эмэнигэр тиийэ таһаарыылаахтык үлэлии сылдьар биир санаалаахтарбын кытары алтыһан, санаа атастаһан, астынным.

Сүөһүнү иитиигэ
ыччат ылсан үлэлии сыдьарын көрөн кэрэхсээтим, астынным.

Сийиэскэ Мэҥэ Хаҥаластан Афанасий Борисов этиитин сөбүлүү иһиттим, кини  сүөһүгэ эбии аһылыгы бэлэмниир тэрилтэ салайааччыта. Хас нэһилиэк аайы итинник үлэһит дьон баара буолар, тыа сирэ сайдыа этэ.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
20 июля
  • 18°C
  • Ощущается: 18°Влажность: 68% Скорость ветра: 2 м/с

Сообщить об опечатке

Текст, который будет отправлен нашим редакторам: