Хаартыска: ЯСИА
Амма улууһугар ССРС успуордун маастара Дмитрий Пахомов кэриэһигэр анаммыт көҥүл тустууга өрөспүүбүлүкэтээҕи турнир түмүктэннэ.
Күрэхтэһии кини 75 саастаах үбүлүөйүгэр ананан ыытылынна уонна Саха сирин араас улуустарыттан 110-тан тахса кыттааччыны түмтэ, диэн ЯСИА иһитиннэрэр. Турнир 2012–2014 сылларга төрөөбүт уолаттар ортолоругар ыытылынна. Оскуола саастаах тустууктар күрэхтэһии уопутун мунньуммуттарын таһынан, аатырбыт тустууктар Виктор Рассадин, Арыйаан Тютрин, Георгий Окороков, Андрей Мидловец толорууларыгар маастар-кылааска кытыннылар.
Күрэхтэһиигэ Дьокуускай куорат 3 №-дээх оҕо успуорка оскуолатын иитиллээччилэрэ үрдүк ситиһиилэри көрдөрдүлэр. Кинилэртэн аҕыс тустуук күүстээх күрэхтэһии баарын үрдүнэн, финалга тахсары ситистилэр. Дмитрий Пахомов аатынан турнир кыайыылаахтарынан буоллулар: Хаҥалас улууһуттан Руслан Афанасьев (30 кг), Илья Петухов (68 кг), Дьокуускайтан Эдгар Филиппов (32 кг), Эрэл Петров (35 кг), Эрхан Березкин (38 кг), Данил Жирохов (42 кг), Соломон Скрябин (46 кг), аммалартан Эрэл Давыдов (51 кг) уонна Святослав Окороков (56 кг). Кыттааччылар истэригэр хапсаҕайга муҥутуур кыайыылааҕы быһаарыы ыытылынна. Муҥутуур кыайыылаах үрдүк аатын Амма улууһун тустууга Святослав Окороков сүктэ.
«Коробка храбрости» аахсыйа чэрчитинэн хомуллубут оонньуурдар Т.П. Дмитриева аатынан Өрөспүүбүлүкэтээҕи оҕо сэллигин эмтиир санаторийга туттарылыннылар.…
Ил Дархан Айсен Николаев уонна РФ бырамыысыланнаска уонна атыыга-эргиэҥҥэ миниистирэ Антон Алиханов оробуочай көрсүһүү кэмигэр…
Ааспыт сууккаҕа Саха сирин үрдүнэн буруйу оҥоруу биэс түбэлтэтэ бэлиэтэммит. Бу туһунан СӨ Борокуратуурата иһитиннэрэр.…
СӨ Норуоттарын төрүт култууратын күнүн иитинэн Дьокуускайга “Гармония языков и величие традиций” тэрээһин ыытыллыаҕа. Тэрээһин…
Күн астрономиятын лабораторията иһитиннэрэринэн, ахсынньы 4 күнүгэр Саха сиригэр, чуолаан Дьокуускай эргин 2 бааллаах магнитнай…
Көрсүһүү кэмигэр Ил Дархан Айсен Николаев уонна РФ үп миниистирэ Антон Силуанов бүддьүөккэ сыһыаннаах тирээн…