Дмитрий Паньков: «Бэрэсидьиэн олохтоохтору кытта көрсөргө, кэпсэтэргэ бириэмэтин анаабыта улахан суолталаах»

Ил Түмэн дьокутаата, норуодунай фронт Саха сиринээҕи салаатын хос бэрэссэдээтэлэ Дмитрий Паньков РФ Бэрэсидьиэнэ Саха сиригэр сырытыын туһунан санаатын үллэстэр:

— Владимир Владимирович олохтоохтору кытта көрсүбүтэ соһуччу үөрүүлээх түгэнинэн буолла. Стадион таһыгар кортеж тохтоон, Бэрэсидьиэн массыынаттан тахсан дьону кытта кэпсэттэ, эҕэрдэлэстэ.

Бэрэсидьиэн Саха сиригэр болҕомтотун уурара биллэр. Ол курдук, доруобуйа харыстабылын эбийиэктэрин, территориялары тупсарыы уонна да атын эбийиэктэр кини көҕүлээбит национальнай бырайыактарын көмөтүнэн тутулуннулар.

Бэрэсидьиэн олохтоохтору кытта көрсөргө, кэпсэтэргэ бириэмэтин анаабыта улахан суолталаах дии саныыбын. Кини эрэгийиэн сайдарын туһугар интэриэстээҕин көрдөрөр.