РФ бэрэсидьиэнин пресс-сэкирэтээрэ Дмитрий Песков иһитиннэрбитинэн, Владимир Путин хомуурга ыҥырыллыбыт саллааттарга аналлаах кэпсэтиитэ туспа тэрээһининэн буолуоҕа. Билигин онно бэлэмнэнии бара турар.
Санатан эттэххэ, бэҕэһээ РФ бэрэсидьиэнэ Владимир Путин Тверь уобалаһыгар сылдьан хомуурга ыҥырыллыбыт саллааттарга көмөлөһүүнү ураты болҕомтотугар ылбыта. Бу туһунан Арассыыйа олохтоохторун кытары туспа кэпсэтэр былааннааҕын иһитиннэрбитэ.
Дмитрий Сергеевич суруналыыстарга эппитинэн, манна аналлаах туспа тэрээһин буолуоҕа, бу туһунан кэлин эбии биллэриэхтэрэ.
— РФ бэрэсидьиэнэ дьону кытары кэпсэтиитэ туспа тэрээһининэн ыытыллыаҕа. Бу туһунан биһиги өссө иһитиннэрии таһаарыахпыт, — диэн этэр бэрэсидьиэн пресс-сэкирэтээрэ.
Владимир Путин дьаһалынан анал байыаннай операция кэмигэр РФ бырабыыталыстыбатын иһинэн сүрүннүүр сэбиэт тэриллибитэ. Сэбиэти премьер-миниистир Михаил Мишустин салайар. Итини таһынан Сергей Собянин салайааччылаах Судаарыстыбаннай сэбиэт үлэлиир. Бу сэбиэт дойду эрэгийиэннэрин кытары быһаччы үлэлиирин таһынан, хомуурга ыҥырыллыбыт саллааттарга көмө-тирэх буолар сыаллаах-соруктаах тэриллибитэ. Сэбиэт иһитиннэрбитинэн, саллааттар хамнастара (биирдии киһиэхэ кырата 195 тыһыынча солкуобай) барыта РФ оборуонатын министиэристибэтигэр түспүт. Сэбиэт билигин саллааттар туттар малларын, таҥастарын-саптарын, о.д.а. боппуруостары дьаһайыыга үлэлэһэр.
Кыайыы күнэ. Муҥура суох үөрүү, харах уута аргыстаах, кыырыктыйбыт чанчыктаах, өрөгөйдөөх бырааһынньык! Ити билигин, итинник…
Бу хаартыска 1975 сыллаахха Кыайыы 30 сылыгар түһэриллибит. Урут хаартысканан түһэрии үөдүйэн турдаҕына дьарыктана сылдьан…
Аҕа дойду уоттаах сэриитигэр Улуу Кыайыы 80 сылынан Ем.Ярославскай түмэлигэр “Реликвии Великой Отечественной…” быыстапка буолла.…
Модун кыахтаах Сэбиэскэй судаарыстыба улуу нуучча норуотун салалтатынан биэс сыллаах алдьархай аргыстаах Аҕа дойду сэриитин…
1827 сыллаахха атыыһыттар көҕүлээһиннэринэн, үпкэ-харчыга тус кыттыһыыларынан Дьоҕус баһаарга тутаах дьиэни 1830 сыллаахха диэри туттарбыттар…
Бүгүн, ыам ыйын 11 күнүгэр, уочараттаах оһуокай Арчы дьиэтигэр үрдүк таһымнаахтык ыытылынна. Үс Дьоруойдаах Бүлүү…