Дмитрий Песков: «Владимир Путин Саха сиригэр хайаан даҕаны кэлиэҕэ»

Арассыыйа бэрэсидьиэнэ Владимир Путин Саха сиригэр хайаан даҕаны кэлиэҕэ диэн Дойду баһылыгын пресс-сэкирэтээрэ Дмитрий Песков иһитиннэрдэ. Бу туһунан ТАСС суруйар.

Санатан суруйдахха, тохсунньу бастакы күннэригэр Владимир Путин Уһук Илиҥҥэ икки күн иһигэр үлэлээбитэ. Кини Хабаровскайга уонна Чукоткаҕа сылдьыбыта. Былаан быһыытынан Саха сиригэр эмиэ кэлиэхтээх этэ, ол гынан баран күн-дьыл туруга мэһэйдээн өрөспүүбүлүкэҕэ оробуочай сырыыта сатамматаҕа.