Хаартыска СИА
Оскуолаҕа начаалынай байыаннай бэлэмнээһини (НВП) киллэриэххэ.
Төрөөбүт дойдуга бэриниилээх ыччаттары иитэн таһаарыы боппуруоһугар бастакы уочараттаах соругунан начаалынай байыаннай үөрэхтээһин бырагыраамата ылыллан, ону олоххо киллэрии буолуохтааҕын туһунан «Чурапчы улууһа» МТ улуустааҕы Сэбиэтин дьокутаата Дмитрий Попов тус санаатын үллэһиннэ.
Кини ол үлэ туох ханнык иннинэ төрөөбүт төрүт түөлбэҕэ, аймах-билэ дьоҥҥо амарах сыһыаҥҥа, тапталга, кыһамньыга, норуот сиэригэр-туомугар ытыктабыл тыыныгар уһуйууга тирэҕирэн, үүнэр көлүөнэни Ийэ дойдуну таптыырга, харыстыырга уонна көмүскүүргэ бэлэмнээһин дойду үрдүнэн күүскэ ыытыллыахтааҕын бэлиэтиир.
— Ааспыт үйэ 1950-60-70-80 сылларыгар оскуолаҕа оҕону үлэҕэ итиэннэ байыаннай дьыалаҕа үөрэтии күүскэ барара, начаалынай байыаннай бэлэмнээһин (НВП) диэн бырагыраама баара. Саҥа үйэҕэ үөрэх бырагырааматыттан ол суох буолуута уол оҕону иитиигэ мэһэйдээҕин көрдөрбүтүн, бу начаалынай байыаннай бэлэмнээһини (НВП) оскуола бырагырааматыгар төннөрөр наадалааҕын хаста да мунньахтарга кэпсэтиилэргэ көтөхпүтүм, бу боппуруоска күүскэ үлэлэһэ сылдьабын. Тус бэйэм оскуолаҕа үөрэх бырагырааматыгар начаалынай байыаннай бэлэмнээһини биир сүрүн биридимиэт быһыытынан киллэрэн биэрэр кэм кэллэ диэн бигэ санаалаахпын.
Ол иһин ааспыт ыйга, кулун тутар 28-29 күннэригэр, буолан ааспыт Саха Өрөспүүбүлүкэтин муниципальнай тэриллиилэрин дьокутааттарын II сийиэһигэр үс блогунан арахсан мунньахтааһын кэмигэр, үөрэхтээһин боппуруостарыгар аналлаах блокка ыытыллыбыт Ил Түмэн дьокутааттара Алексей Еремеев, Феодосия Габышева, Михаил Гуляев салалталаах «төгүрүк остуолга» кэпсэтиилэргэ бу туһунан тыл этэн кыттыбытым. Онно билиҥҥи кэмҥэ сытыытык турар боппуруос диэн, оскуолаҕа үөрэх бырагырааматыгар начаалынай байыаннай бэлэмнээһини биир сүрүн биридимиэт быһыытынан булгуччу киллэрэри хамсатыаҕыҥ диэн туруорсубутум. Ил Түмэн дьокутаатыгар М.Д.Гуляевка суругунан кытта суруйан киллэрэн, этиим резолюцияҕа киирэрэ ситиһиллибитэ. Дойду уонна өрөспүүбүлүкэ таһымнарыгар бу боппуруоска чуолкай быһаарыылар ылыллаллара эрэйиллэр.
"Буойун" киин «ВОИН.КИНО» бырайыагы билиһиннэрдэ. "Буойун" киин бырабылыанньатын бэрэссэдээтэлэ, Госдума дьокутаата, ЛНӨ дьоруойа Виктор Водолацкай…
Бүгүн үс үллэр үөстээх Өлүөнэ эбэ күнүгэр Хаҥалас улууһун олохтоохторо тахсаннар кытылы бөхтөн-сыыстан ыраастаатылар. …
Түөкүттэр социологическай ыйытыылары биэрбитэ буолан, кэпсэтиннэрэ сатыыллар. Сыаллара-соруктара – куоласкын уһултара охсуу. Ол кэнниттэн эн…
Быйыл олунньуга Нерюнгрига элбэх кыбартыыралаах дьиэ иннигэр муустан халтарыйан, биирдээх оҕотун көтөҕөн испит ийэ охтубут.…
Өҥүрүк куйаас сатыылаан турдаҕына сарсыардаттан куорат тэрилтэлэрин кэрийэн, ыдьырыйа сылайдарбын даҕаны, син наадабын ситэн, дэриэбинэҕэ…
Ханнык баҕарар киһи элбэх харчылаах буолуон баҕарар. Ол эрээри, биһиги ортобутугар баай, харчыны чэпчэкитик оҥорор…