Хаартыска sakha.gov.ru ылылынна
Култуура киинэ Мэҥэ Хаҥалас улууһугар Аллараа Бэстээххэ тутулла турар. Үлэ хаамыытын Саха сирин бастакы вице-премьерэ Дмитрий Садовников көрдө-иһиттэ.
Билиҥҥи туругунан тутуу 84% бэлэм. Онуоха тутуу сыл бүтүүтүгэр киллэриэхтээх диэн сорук турар. Садовников «СТК» бэдэрээтчит үлэһиттэрин ахсаанын элбэтэрин ирдээтэ. Билигин ирдэнэр 80 киһи оннугар 60-ча киһи үлэлиир.
«Тутуу тэтимигэр боппуруостар үөскүүллэр. Быйыл үлэҕэ киириэхтээҕин үлэһит ахсаана аҕыйаҕа уонна үлэни тэрийии уота-күөһэ суоҕа түөрэҥнэтэр. Онон үлэһиттэри элбэтэргэ уонна тупсарыы үлэтин тэтимирдэргэ суһал дьаһаллары ылар наада«, — диир Дмитрий Садовников.
«Култуура» национальнай бырайыагынан Аллараа Бэстээххэ тутулла турар култуура киинэ өрөспүүбүлүкэҕэ саамай улахан эбийиэгинэн буолуохтаах. Уопсайа 3,2 тыһ.кв. м иэннээх дьиэҕэ 300 миэстэлээх саала, киинэ саалата, хоеография кылаастара, түмэл, уо.д.а. киириэхтээхтэр.
«Култуура» национальнай бырайыак 2019 сылтан саҕаламмыта. Бу кэм устатыгар Саха сиригэр 7 култуура дьиэтэ: Горнайга Дьиикимдэҕэ, Уус Алдаҥҥа Сыырдаахха, Бүлүүгэ Тааһаҕарга уонна Тыымпыга, Намҥа Аппааныга, Сунтаарга Кэмпэндээйигэ, Чурапчыга Толооҥҥо киирбиттэрэ. Мэҥэ Хаҥалас улууһугар Аллараа Бэстээххэ култуура киинэ тутулларын сэргэ, Сунтаарга Кириэстээххэ култуура дьиэтэ тутулла турар.
СӨ Ил Дарханын уонна Бырабыыталыстыбатын пресс-сулууспата
Хаартыска sakha.gov.ru ылылынна
Алдаҥҥа кыбартыыраҕа баһаарга 51 саастаах дьахтар суорума суолланна, 62 саастаах эр киһи эмсэҕэлээтэ диэн СӨ…
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…