СӨ Бырабыыталыстыбатын бастакы вице-премьерэ анал байыаннай эпэрээссийэттэн кэлбит байыастары кытары көрүстэ.
Бу туһунан СИА кэрэспэдьиэнэ Айаал Аргунов суруйар. СӨ Бырабыыталыстыба бэрэссэдээтэлин бастакы солбуйааччы Дмитрий Садовников салалтатынан, Саха сирин Уопсастыбаннай палаататыгар, өрөбүлгэ, Ил Дархан уонна бырабыыталыстыба дьаһалтатын чилиэннэрэ анал байыаннай эпэрээссийэ кэмигэр эчэйиини ылбыт байыастары кытары көрүстүлэр. Эмтэнэн, чөлгө түһэн баран үксүлэрэ бойобуой сорудаҕы толоро төннөр санаалаахтар. Байыаннай сулууспалаахтар инники кирбиигэ баар күннээҕи кыһалҕалар уонна тэрээһин боппуруостар тустарынан кэпсээтилэр диэн СИА суруллар.
Көрсүһүү кыттыылаахтара анал байыаннай эпэрээссийэ зонатыгар байыастарга тепловизордар, бронежилеттэр, спальниктар наадаларын бэлиэтээбиттэр. Хомойуох иһин, Саха сириттэн ыытыллыбыт гуманитарнай баһыылкалар кинилэр этэрээттэригэр диэри тиэрдиллибэтэхтэр. Маны сэргэ, кинилэр мэдиссиинэ өртүнэн чөлгө түһүү уонна эчэйбит байыаска биир кэмнээх төлөбүр боппуруостарын таарыйбыттар. СӨ Доруобуйа харыстабылын уонна Үлэ, социальнай сайдыы министиэристибэлэрин бэрэстэбиитэллэрэ миэстэтигэр сүбэлэри-амалары оҥорбуттар.
Көрсүһүү түмүгүнэн, Дмитрий Садовников этиллибит боппуруостары быһаарарга көмө оҥоһуллуоҕун бэлиэтээбит. Маны сэргэ, Ил Дархан Айсен Николаев аатыттан байыастарга саха быһахтарын туттартаабыт. «Биһигини иһиттилэр уонна бииргэ үлэ тиһиктээхтик салҕанарыгар эрэллээхпин. Аһаҕас кэпсэтии иһин махтанабын», — диэн анал байыаннай эпэрээссийэ кыттыылааҕа санаатын үллэстибит.
Санатан эттэххэ, дьиэлэригэр кэлэр байыаннай сулууспалаахтар көмөнү ылыы уонна арыаллааһын туһунан боппуруостарынан 122 нүөмэргэ эрийиэхтэрин сөп.
Хаартыскаҕа Андрей Сорокин (СИА) түһэриитэ.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…