Дмитрий Садовников: Арбын уонна Түбэ икки ардынан муус дьапталҕатын эстэрии көдьүүстээх буолла
![](https://sakha-sire.ru/wp-content/uploads/2024/05/sadovnikov-850x596.png)
Өлүөнэ эбэ мууһа Кэбээйи, Нам, Уус Алдан улуустарынан устар. Нам улууһун сиригэр-уотугар 08:00 ч. иһитиннэриинэн, 14 нэһилиэнньэлээх пуун ууга баран турар.
Бу туһунан ыам ыйын 19 күнүгэр брифиҥҥэ СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников иһитиннэрдэ.
—Бэҕэһээ, ыам ыйын 18 күнүгэр, 21:00 ч. Арбын уонна Түбэ нэһилиэнньэлээх пууннар икки ардыларыгар муус дьапталҕатын эстэрии үлэтэ ыытыллыбыта. Бу көдьүүстээҕэ көһүннэ. Итинник үлэ ыытыллыбытын түмүгэр Алдан төрдүттэн муус хамсаата. Билиҥҥи туругунан уу таһыма сыыйа түһэн эрэр, — диэтэ кини.
Аварийнай- быыһыыр үлэлэри ыытыыга өрөспүүбүлүкэ, Нам улууһун уонна нэһилиэнньэтин бары быыһыыр сулууспаларын муҥутуур элбэх күүһэ-көмөтө, тиэхиньикэтэ тардылынна.
Сиһилии https://www.sakha.gov.ru/news/front/view/id/3399576 манна киирэн көрүҥ.
СӨ Ил Дарханын уонна Бырабыыталыстыбатын пресс-сулууспата
Сообщить об опечатке
Текст, который будет отправлен нашим редакторам: