Сахагов
Бырабыыталыстыба Бэрэссэдээтэлин бастакы солбуйааччы Дьокуускайга сабыылаах, искусственнай муустаах хаҥкылыыр сири уонна Саха политехническэй лиссиэй эбии дьиэтин тутууну көрдө. Бу эбийиэктэр бу сыл бүтүүтэ киириэхтээхтэр.
Сабыылаах катогу тутуу 86,5 %, Саха политехническэй лиссиэй эбии дьиэтин тутуу — 80 %. Эбийиэктэргэ 200 тахса тутааччы үлэлиир.
“Звезднай” түөлбэҕэ сабыылаах каток аныгы хоккейдыыр куортаах, керлиҥҥэ аналлаах дьиэлээх, скалодромнаах, эрчиллэр саалалаах уонна чэбдигирдэр процедуралары ыытар хостоох буолуохтаах. Катогу маассабайдык хатааһылааһыҥҥа уонна эрчииллиилэргэ туһаныахха сөп. Эбийиэк “Спорт – норма жизни” федеральнай бырагырааманан “Демография” нацбырайыак чэрчитинэн тутуллар. Ону дойду баһылыга Владимир Путин көҕүлээбитэ.
“Тутааччылар сүрүннээн кыраапыктан хаалсыбат туһугар кыһаналлар, ол эрээри өссө ситэрэр-хоторор элбэх. Тутааччылар соругу толоруохтара диэн эрэнэбин”, — диэтэ Дмитрий Садовников.
Саха политехническэй лиссиэй эбии дьиэтин иэнэ 5,5 тыһ. кв. м. Манна 326 миэстэлээх үөрэнэр 30 кэбиниэт баар буолуоҕа. “Барыта кэмигэр оҥоһуллуо диэн ирдиибит. Тутааччы “Главстрой” хампаанньа бу эйгэҕэ үлэлээбитэ ыраатта, ол иһин эбийиэги болдьоҕор киллэриэхтэрэ диэн эрэнэбин”, — диэтэ Саха сирин бастакы вице-премьерэ.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Дьокуускай куорат 13-с №-дээх оскуолатыгар 1-кы кылаас үөрэнээччилэрин «Орлята России» хамсааһын кэккэтигэр киллэрии үөрүүлээх тэрээһинэ…
Сэтинньигэ Луганскай Норуодунай Өрөспүүбүлүкэ куораттарыгар култуура эйгэтигэр атастаһыы иитинэн, Саха сирин киинэлэрин көрдөрдүлэр. Киинэлэри "Сахафильм"…
РФ Бэрэсидьиэнэ Владимир Путин көҕүлээбит “Көдьүүстээх тырааныспар ситимэ” нацбырайыак “Развитие опорной сети аэродромов” саҥа федеральнай…
Ыраастаныы киһи киртийдэҕинэ оҥоһуллар. Киһиэхэ кир тастан киирэр. Ким эрэ куһаҕаны эппитэ, күннээҕи олоххо туох…
Соторутааҕыта Куокуйга айар куттаах эстрада ырыаһыта, таптал ырыаларын ымыы гынан көтүппүт Анатолий Горохов саҥа сольнай…
“ВОИН” киин ыччаты патриоттуу иитиигэ уонна байыаннай-спортивнай бэлэмнээһин эйгэтигэр “За вклад в просвещение в сфере…