Надежда Егорова хаартыската.
СӨ Бырабыыталыстыбатын Эдьигээн эбэҥки национальнай оройуонугар отчуотун кэмигэр оробуочай бөлөх нэһилиэнньэни кытары көрсүһүүнү сэргэ, тутулла турар эбийиэктэргэ сырытта, биирдиилээн кыһалҕалаах дьону кытары көрүстэ.
СӨ бырабыыталыстыбатын бэрэссэдээтэлин бастакы солбуйааччы Дмитрий Садовников уонна Эдьигээн улууһун сүрүннээччи, СӨ үлэҕэ уонна социальнай сайдыыга миниистирэ Елена Волкова байыаннай эпэрээссийэттэн уоппускаҕа кэлэ сылдьар 3 уолу кытары көрүстүлэр. Көрсүһүүгэ ону таһынан Эдьигээн улууһун баһылыга Василий Сорокин, баһылыгы социальнай боппуруостарга солбуйааччы Софья Ефремова, Эдьигээн нэһилиэгин баһылыга Степан Портнягин уонна үөрэх улуустааҕы управлениетын начаалынньыга Юрий Шамаев кытыннылар.
Дьаһалта өттүттэн санааны үллэстиигэ уолаттарга аһынан-үөлүнэн көмөлөрө тирэх пууннарга хайдах аттарылларын ыйыталастылар, уолаттар уоппускаҕа кэлэллэригэр бириэмэлэрэ айаҥҥа уонна докумуоннары толорууга барарын, улуус биир дойдулаахтара сэриилэһэр сирдэригэр массыына биэрэн көмөлөһүөн сөбүн туһунан эттилэр.
Дмитрий Садовников байыаннай дьайыыга сылдьар Саха сирин уолаттарыгар олунньу 23, ыам ыйын 9 күнүнээҕи, Ыһыах, Саҥа дьыл бырааһыньыктарыгар бэлэхтэри ыыталларын туһунан кэпсээтэ.
«Маннык көрсүһүүлэргэ сырыттахха, биир да уол бу тиийбэт, ол тиийбэт диэн хаһан да этиммэт .Төттөрүтүн, хорсун быһыыны, халбаҥнаабат санаалаахтарын уонна дойдуга бэриниилээхтэрин көрдөрөллөр. Эһиэхэ олус эрэнэбит, күүтэбит», — диэн эдэркээн уолаттарга баҕа санаатын тириэртэ.
Онтон уолаттар Саха сириттэн биир дойдулаахтарыттан кэлэр көмөнү туталларын, атын эрэгийиэннэртэн кэлбит уолаттар, бэл, ымсыыралларын уонна Саха сирин бастайааннай бэрэстэбиитэлистибэ үлэһиттэрэ, ийэлэр олус көмөлөһөллөрүн туһунан эттилэр, Саха сирин дьонугар махтаннылар.
Дмитрий Садовников уонна Елена Волкова 2022 сыллаахха мобилизацияланан барбыт байыастарга бэлэхтэри туттардылар уонна этэҥҥэ сылдьан, дойдуларыгар кыайыы көтөллөөх эргиллэллэригэр баҕардылар.
Үөрэх улуустааҕы управлениетын начаалынньыга Юрий Шамаев уолаттар үһүөн Эдьигээн орто оскуолатын бүтэрбиттэрин бэлиэтээн туран, кинилэргэ оскуола үбүлүөйүгэр тахсыбыт кинигэни бэлэх уунна.
Ааспыт нэдиэлэ устата Саха сиринээҕи Росгвардия харабылын үлэһиттэрэ харабылланар эбийиэктэртэн киирбит 128 «Аймалҕан» бэлиэҕэ үлэлээн,…
Саха норуодунай суруйааччыта, СӨ ускуустубатын үтүөлээх диэйэтэлэ, СӨ култууратын үтүөлээх үлэһитэ, СӨ Духуобунаска акадыамыйатын акадыамыга Василий…
Арҕаа дойдулар 2026 сылга буолуохтаах Госдуума быыбарыгар дьайар сыаллаах саҥа стратегияны оҥоро сылдьаллар диэн Госдуума…
Саха араадьыйатын 95 сыллаах үбүлүөйүнэн сибээс салаатын үлэһиттэрин уонна бэтэрээннэрин чиэстээтилэр. Бу туһунан ЯСИА суруйар.…
Арассыыйа Уһук Илин уонна Арктика сайдыытыгар миниистирэ Алексей Чекунков билигин Москваҕа буола турар Уһук Илиҥҥи…
Кыһыммыт саҕаланыан иннинэ Мэҥэ Алдан нэһилиэгэр байыаннай дьайыы кыттыылаахтарын дьиэ кэргэттэригэр үгэс быһыытынан муус бэлэмнээтилэр.…