Хаартыска: www.sakha.gov.ru
Саха сирин Бырабыыталыстыбатын бэрэссэдээтэлин бастакы солбуйааччы Дмитрий Садовников өрүс уҥуоргу улуустарынан үлэлиир.
Бастакы вице-премьер Ытык Күөлгэ үс улахан социальнай эбийиэктэри тутуу хаамыытын бэрэбиэркэлээтэ. 450 миэстэлээх оскуола быйыл үөрэнээччилэргэ аанын аһыаҕа. Ону сэргэ бу сыл бүтүүтэ тыа сиригэр 1000 миэстэлээх стадиоҥҥа футбольнай хонуу уонна сүүрэр суол үлэҕэ киириэхтээх. Итини таһынан тыа сиригэр элбэх өҥөнү оҥорор чэбдигирдэр-успуорт комплекса тутуллар. Бу эбийиэк тутуутун болдьоҕо – 2025 сыл ортото.
«Уопсайынан эбийиэктэринэн «Монтажник» ПК бэдэрээттэһэр тэрилтэтэ былааннамыт кыраапыгынан үчүгэй тэтиминэн үлэлиир. Үгүс тутууларынан бэлиэтэнэрин курдук, кыра кыһалҕалаах боппуруостар бааллар эрээри, сотору кэминэн быһаарыллыахтара дии саныыбын. Саҥа аныгы эбийиэктэри былааннаммыт болдьохторун кэмигэр үлэҕэ киллэриэхпит», – диэтэ Дмитрий Садовников.
Ол кэннэ Дмитрий Садовников оробуочай хамыыһыйата Аммаҕа тахсан үлэлээтэ. Оттук сезонугар ОДьКХ ГУП 12,5 МВт кыамталаах «Стадион» хочуолунайы үлэҕэ киирэрин хааччыйыахтаах. Эбийиэк 190-тэн тахса чааһынай олорор дьиэни ититиитэн хааччыйыахтаах, ону сэргэ социальнай эйгэ эбийиэктэрэ, «Молодежнай» кыбаартал кэтэх дьиэлэрэ ититии ситимигэр холбоноллоругар анаан күүскэ үлэлиир. Билиҥҥи кэмҥэ 2,25 км уһуннаах ититэр ситимэ тардылынна. Үлэ бастакы түһүмэҕин тутуу чэрчитинэн, саҥа кыбаартал 40-тан тахса кэтэх дьиэлэрэ быйыл сылааһы хааччыйар ситимҥэ холбонуоҕа. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.
Бүтүн Арассыыйатааҕы "Родители онлайн" пуорумҥа кыттыы -- улахан чиэс... Өссө төрөппүт быһыытынан! Оҕону - төрөппүт…
Тыйыс тымныылаах, хахсаат тыаллаах Саха сиригэр ордук кыстыкка киирии үгүс кыһалҕалаах буолар. Тыал, сиик, онтон…
Дьуһуурунай борокуруор иһитиннэрбитинэн, ааспыт суукка устата эрэгийиэҥҥэ буруйу оҥоруу биэс түгэнэ бэлиэтэммит. Бу дьыалаларынан бэрэбиэркэлэр…
Айылҕаттан айдарыылаах айар куттаах худуоһунньуктар тыа сиригэр үгүстэр. Биир оннук, нууччалыы эттэххэ, “самородок” худуоһунньугунан Хаҥалас…
Быйыл Саха сирин үрдүнэн биллиилээх судаарыстыбаннай уонна бэлитиичэскэй диэйэтэл Степан Аржаков төрөөбүтэ 125 сылын бэлиэтээтибит.…
Москваҕа Муора кэллиэгийэтин Арктикаҕа РФ национальнай интэриэстэрин көмүскүүр Сэбиэтин бастакы мунньаҕа буолан ааста. Арктикаҕа РФ…