сахагов
Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников эрэгийиэн баһылыга Айсен Николаевы кытта “Быһа лииньийэ” туһунан санаатын үллэһиннэ.
“Быһа лииньийэҕэ сүрүнэ – дьон итэҕэлэ. Дьон сытыы боппуруостары – ОДьКХ тарыыптарыттан, субсидиялаах авиа-билиэттэртэн саҕалаан хаарбах дьиэттэн көһөрүүгэ тиийэ туруорустулар. Онно Айсен Сергеевич чопчу хоруйдаата”, — диэтэ Дмитрий Садовников.
Ойуур баһаардарын бохсуу үлэтигэр болҕомтотун уурда.
“Айсен Сергеевич 2025 сыл кэнники уон сыл устата баһаары утары үлэҕэ саамай ситиһиилээхтэрэ диэн сөпкө бэлиэтээтэ. Биһиги түргэнник дьаһанар буоллубут: үп-харчы эрдэ тиэрдиллибитэ, авиация уонна баһаары бохсор тэриллиилэр сезоҥҥа бэлэм этилэр, оттон муниципалитеттар эрдэттэн сэрэтиигэ үлэлээтилэр. Бу көдьүүстээҕин туһунан быһа эпииргэ этилиннэ”, — диэтэ бастакы вице-премьер.
Дмитрий Садовников быһччы кэпсэтии көрүҥэ хоруйу биэрэрин таһынан бырабыыталыстыба чопчу үлэтин торумнуур диэтэ.
“Киирбит ыйытыылар болҕомтото суох хаалыахтара суоҕа. Тустаах министиэристибэлэринэн, биэдэмистибэлэринэн ыытыллар”, — диэтэ кини.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Смиһилии: https://www.sakha.gov.ru/news/12684
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…
Неонатолог быраастар кэмин иннинэ күн сирин көрбүт кырачааннар олохторун быыһыырга сүрүн оруолу ылаллар. Кинилэртэн биирдэстэрэ…
— Өскөтүн иккилээх оҕом сайдыытыгар хаалыылаах дии санаатахпына, ханна баран сүбэ-ама ылыахпын сөбүй? Саастыылаахтарын кытта тэҥнээн…
Халлаан сылыйан оҕолор кыралаан былаһааккаларга оонньуур, салгын сиир буоллулар. Хаар ууллуута уһун кыһын устата тоҥон…