Салгыы
Дмитрий Садовников Ленин проспегар үлэни түргэтэтэргэ соруйда

Дмитрий Садовников Ленин проспегар үлэни түргэтэтэргэ соруйда

Ааптар:
29.10.2022, 16:45
Бөлөххө киир:

Дмитрий Садовников Дьокуускайга Ленин проспегар ыытылла турар үлэни түргэтэтэргэ соруйда.

СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников бүгүн, алтынньы 29 күнүгэр, «Куттала суох хаачыстыбалаах суоллар» национальнай бырайыак иитинэн Дьокуускайга ыытылла турар үлэлэри көрдө.
Вице-премьер Дьокуускайга суолу-ииһи тутууга уонна саҥалыы уларытан оҥорууга үп-харчы ааспыт сыллардааҕар быйыл эрдэ көрүллүбүтүн ыйда. Онон үлэ балачча хамсааһыннаахтык, тэтимнээхтик ыытыллыахтааҕын, эбийиэктэр эрдэ түмүктэниэхтээхтэрин санатта.

«Хомойуох иһин, ол кыаллыбакка турар, ол гынан баран эбийиэктэри киллэрии болдьоҕо өссө да ааһа илик. Бүгүҥҥү күн туругунан, үлэлэр болдьоммут кэмнэригэр кыайан толоруллумуохтарын сөп диэн дьаахханыы баар. Өрөспүүбүлүкэбит киин куоратын сүрүн уулуссатыгар, Ленин проспегар, үлэ салҕанар. Куорат бэрэстэбиитэллэрин иһитиннэриилэринэн, Кулаковскай уулуссатыттан Орджоникидзе болуоссатыгар диэри учаастагы уларытан оҥоруу бастакы түһүмэҕэ сэтинньи 10 күнүгэр түмүктэниэхтээх. Бүгүн проспекка уотун-күөһүн оҥоруу, суол бэлиэлэрин, светофордары туруоруу үлэлэрэ ыытыллаллар«, — диэн этэр Дмитрий Садовников.

Итиэннэ кини Ленин проспегар үлэни бэдэрээччит түргэтэтэригэр соруйда.

Санатан эттэххэ, эбийиэги тутуу болдьоҕор дуогабар усулуобуйатын кэһии таҕыстаҕына уонна үлэ хаачыстыбата суох оҥоһулуннаҕына бэдэрээччит ыстарааптанар.

Ленин проспегар үлэ бастакы түһүмэҕин (Кулаковскай уулуссатыттан Орджоникидзе болуоссатыгар диэри) — сэтинньи  20 күнүгэр диэри бүтэриэхтээхтэр. Иккис түһүмэх болдьоҕо (Хабаров уулуссатыттан Орджоникидзе болуоссатыгар уонна Кулаковскай уулуссатыттан Краснояров уулуссатыгар диэри) — алтынньы ый, 2023 сыл.

 Үлэ хаамыытын көрөрүгэр Дмитрий Садовников Пирогов уулуссатыгар Петр Алексеев уулуссатыттан Жорницкай уулуссатыгар диэри учаастагы, Глухой быстах туора уулусса хапытаалынай өрөмүөннэрин эмиэ бэрэбиэркэлээтэ.

Мария Васильева (СИА) хаартыскаларга түһэриитэ

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
19 мая
  • 7°C
  • Ощущается: 6°Влажность: 36% Скорость ветра: 2 м/с

Сообщить об опечатке

Текст, который будет отправлен нашим редакторам: