Дмитрий Садовников: Нам улууһугар халаан уутуттан эмсэҕэлээбит нэһилиэктэр суолларын оҥоруохтара

Суһал ыстаап киэһээҥҥи брифинигэр бүгүн, ыам ыйын 19  күнүгэр, СӨ Бырабыыталыстыбатын бэрэссэдээтэлин бастакы солбуйааччы  Дмитрий Садовников бу туһунан иһитиннэрдэ. 

«Үлэҕэ өрөспүүбүлүкэ аварийнай-быыһыыр сулууспалара, Дьокуускай куораттан коммунальнай, тутуу уонна тырааныспар тэрилтэлэрэ кытталлар. Барыта 384 киһи, 92 тиэхиньикэ«, — диэн этэр кини.

Санатан эттэххэ, Өлүөнэ мууһа Нам, Уус Алдан уонна Кэбээйи улуустарын сирдэринэн-уоттарынан устар.

Дмитрий Садовников эппитинэн, ыам ыйын 20 күнүгэр сарсыарда Кангаласс тумулуттан Сангаар бөһүөлэгэр диэри муус барыытын кэтээн көрүү үлэтэ, мониторинг ыытыллыа.

Сиһилии https://www.sakha.gov.ru/news/front/view/id/3399589   манна ааҕыҥ.

СӨ Ил Дарханын уонна Бырабыыталыстыбатын пресс-сулууспата