Людмила Попова хаартыскаҕа түһэриитэ
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников үөрэх дьыла саҕаланара чугаһаабытынан, Дьокуускайга оскуолалар тутуллууларын уонна өрөмүөннэрин бэрэбиэркэлээтэ.
Олор ортолоругар — куорат киинигэр тутулла турар 253 оҕо үөрэниэхтээх 1 №-дээх оскуола киирэр. Тутуу 59 % бэлэм, манна билигин 50 киһи үлэлии сылдьар. Кыһаны быйыл ахсынньыга тутан бүтэрэр былааннаахтар.
— Манна бэдэрээччит бэйэтин үчүгэй өттүттэн көрдөрдө. Бары этиилэрин, көрдөһүүлэрин, туруорсууларын бырабыыталыстыба өйөөбүтэ. Ил Дархан өйөбүлүнэн эбийиэк болдьоҕор үлэҕэ киирэригэр эрэллээхпит, — диэн Дмитрий Садовников бэлиэтиир.
Маны сэргэ, өрөспүүбүлүкэтээҕи анал (коррекционнай) оскуола-интэринээт хапытаалынай өрөмүөнүн көрдүлэр. Билиҥҥи туругунан 95 % бэлэм буолбут.
—Доруобуйаларынан хааччахтаах оҕолор интэринээттэрэ бэлэм диэххэ сөп. Бу эбийиэк үлэҕэ киириэҕиттэн аан бастаан бырагыраамаҕа киирэн өрөмүөннэннэ. Барыта былаан хоту буоларыгар эрэнэбит, — диэтэ СӨ бастакы вице-премьерэ.
Саха-политэхиньиичэскэй (326 миэстэлээх) лиссиэй эбии тутуутугар, Бастакы бэрэсидьиэн М.Е.Николаев аатынан 40 №-дээх оскуолаҕа (990 миэстэлээх) сырыттылар.
—Саҥа үөрэх дьылын көрсө бу кыһалар бэлэмнэр. Учуоттаммакка хаалбыт кыра боппуруостары куорат дьаһалтатын кытта бииргэ быһаарабыт, — диэтэ Дмитрий Садовников.
Маны таһынан, кини Дьокуускайдааҕы педагогическай кэллиэскэ сырытта. Манна 18 киһи үлэлии сылдьар, билиҥҥи туругунан эбийиэк 90 % бэлэм.
—Педагогическай кэллиэс үөрэх тэрилтэлэрин өрөмүөннээһиҥҥэ федеральнай бырагыраамаҕа киирбитэ. Бытаарыы баар эрээри, үөрэх дьыла саҕаланарыгар бэдэрээччит үлэтин түмүктүүргэ кыһаллар, — диир вице-премьер.
Аныгы үөрэх инфраструктуратын тэрийэргэ өрөспүүбүлүкэҕэ үлэ көхтөөхтүк салҕанар. Кэнники сылларга Саха сирэ «Үөрэх» национальнай бырайыак иитинэн оскуолалары, уһуйааннары тутууга тэтимэ биллэ түргэтээтэ. 2025 сылтан РФ Бэрэсидьиэнэ В.Путин көҕүлээһининэн «Ыччат уонна оҕолор» саҥа национальнай бырайыак саҕаламмыта. 2018-2025 сс. Саха сиригэр 169 үөрэх эбийиэгэ тутуллубута.
СӨ Ил Дарханын уонна Бырабыыталыстыбатын пресс-сулууспата
Сиһилии: https://www.sakha.gov.ru/news/10719
Арассыыйа Силиэстийэлиир кэмитиэтин салайааччы Александр Бастрыкин Дьокуускай хаарбах дьиэлэргэ олохтоох дьонун үҥсүүлэринэн, кинилэр бырааптарын кэһии…
Бүгүн, алтынньы 13 күнүгэр, Хатас сэлиэнньэтигэр Охлопковтар дьиэ кэргэҥҥэ гаас холбонон, үөрүүлээх түгэн буолла. Бу…
Дьокуускайга полицейскайдар 5 саастаах оҕотун дьиэтигэр таһыттан хатаан баран барбыт ийэни эппиэтинэскэ тардыбыттарын туһунан ИДьМ…
Бүгүҥҥүттэн, ол эбэтэр алтынньы 13 күнүттэн, Дьокуускайдааҕы өрүс пуордуттан Аллараа Бэстээххэ диэри катерынан дьону таһыы…
Дьокуускайдааҕы гидро-метео ыстаансыйа управлениета Саха сирин өрүстэрин алтынньы 13 күнүнээҕи туруктарын туһунан иһитиннэрэр. Өрүстэр…
Дьокуускай полицейскайдара 44 тыһ. солк. кэриҥэ харчыны уорууга уорбаланар киһини туттулар. Полиция 1-кы №-дээх отделын…