Кириэмил саайтыттан
Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников, РФ Бэрэсидьиэнин Владимир Путин пресс-кэмпириэнсийэтин түмүктэринэн Саха сирин туһунан эппит тылларыгар болҕомтотун уурда.
«Бэҕэһээ дойду барыта Бэрэсидьиэн Владимир Путин биһиги өрөспүүбүлүкэбит туһунан эппит тылларын иһиттэ. Кини Саха сирин сайдыытын үрдүктүк сыаналааһына уонна, саамай сүрүнэ, биһиги көмүскээччилэрбит хорсун быһыыларын уратытык хайҕааһына — бу элбэххэ эбээһинэстиир улахан чиэс. Биһиги ити итэҕэли толорор туһугар барытын оҥоруохпут. Бэрэсидьиэн бэйэтин пресс-кэмпириэнсийэтин кэмигэр дойдуга суверенитеты бөҕөргөтүүгэ, гражданнар кутталлара суох буолуутугар уонна биһиги байыаннай сулууспалаахтарбытын, кинилэр дьиэ кэргэттэрин бары өттүнэн өйүүргэ чопчу хайысхатын биэрдэ. Саха сирэ ити хайысханы халбаҥнаабакка тутуһуоҕа», — диэн Дмитрий Садовников бэлиэтээтэ.
Кини санаатынан, хас биирдии олохтооххо Бэрэсидьиэн Саха сирин энергетикатын сайыннарыыга тус сорудаҕа ураты суолталаах.
«Чэпчэки сыаналаах электроэнергия боппуруоһа, ордук Арктика оройуоннарыгар, тарыыптар балыыһаларга уонна оскуолаларга уйуллубат ыарахан сүгэһэр буолбуттара Бэрэсидьиэн хонтуруолугар ылылынна. Ол аата, биһиги экэниэмикэбитигэр уонна хас биирдии дьиэҕэ бигэ туругу уонна сиэрдээх сыананы хааччыйар туһугар саҥа кыамталар уонна аныгы ситимнэр оҥоһуллуохтара», — диэн Саха сирин бастакы вице-премьерэ бэлиэтээтэ.
Дмитрий Садовников өрөспүүбүлүкэҕэ Дойду баһылыгын өйөбүлүн ылбыт суолталаах култуурунай бырайыактары — Арассыыйая Дьоруойа, «Тута» позывнойдаах Андрей Григорьев туһунан киинэни уонна Үрдүкү муусука оскуолатын саҥа дьиэтин тутууну олоххо киллэрии салҕаныаҕын эмиэ бэлиэтээтэ.
«Биһигини барыбытын эйэлээх айар үлэҕэ дьулуһуу сомоҕолуур. Өлүөнэ күргэтин тутууну, энергетиканы сайыннарыыны уонна Чуумпу акыйааннааҕы тимир суолу үлэҕэ киллэриини салҕаан, биһиги экэниэмикэ үүнүүтүн уонна хас биирдии олохтоох этэҥҥэ олоруутун хааччыйыахпыт. Бары бииргэ, сомоҕолоһон, дьулуурдаах үлэнэн бары соруктары туоруохпут уонна төрөөбүт Сахабыт сирин сайдыытыгар саҥа кыайыыларга-ситиһиилэргэ кэлиэхпит», — диэн Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников эттэ.
Тымныы полюһа Өймөкөөн Тымныытын сирэйдиир икки мэҥэ бэлиэ баар – Дьыл оҕуһа уонна Чысхаан. Тымныы…
Ил Дархан Айсен Николаев Дьокуускайга оробуочай сырыытынан кэлбит «Газпромбанк» АУ вице-бэрэсидьиэнинэн, «Үрдүк технологиялаах мэдиссиинэ көмөтө»…
СӨ Бырабыыталыстыбатын Бэрэссэдээтэлин солбуйааччы Сергей Местников, дойду Бэрэсидьиэнин Владимир Путин быһа эпиирин кэннэ, өрөспүүбүлүкэҕэ култууралар…
Силиэстийэлиир кэмитиэтин (СК) баһылыга РФ Бэрэсидьиэнин быһа сибээһигэр этиллибит Саха Өрөспүүбүлүкэтин олохтоохторун бырааптара кэһиллибитин туһунан…
Саҥа дьыллааҕы сиэр-туом хаһааҥҥыттан олохсуйбута биллибэт эрээри, дьон тутуһар: 1.Үүнэр сылга харчы кыһалҕата кыһарыйбатын туһугар,…
Ил Дархан Айсен Николаев оҥорон таһаарыы уонна туһаныы бөҕүн-сыыһын, ол иһигэр кытаанах тобохтору (КТ) хомуйуу…