Дмитрий Садовников: Судаарыстыба соруга — сөптөөх олорор усулуобуйаны тэрийии

Дмитрий Садовников: Судаарыстыба соруга — сөптөөх олорор усулуобуйаны тэрийии

17.02.2024, 15:36
Хаартыска: Дмитрий Садовников телеграм-ханаала
Бөлөххө киир:

Бу күннэргэ СӨ Бырабыыталыстыбатын бэрэссэдээтэлин бастакы солбуйааччыта Дмитрий Садовников салайааччылаах Бырабыыталыстыба отчуота Эдьигээн улууһугар ыытыллар.

Эдьигээҥҥэ отчуот кэмигэр Дмитрий Садовников уонна бырабыыталыстыба оробуочай бөлөҕө элбэх оҕолоох дьиэ кэргэттэри чиэстээтилэр. Үөрүүлээх быһыыга-майгыга эдэр ыалларга өрөспүүбүлүкэтээҕи харчы сэртипикээттэрэ туттарылыннылар. Бу туһунан Дмитрий Садовников телеграм-ханаалыгар суруйда.

Наталья, Александр Рассадиннар уонна Тамара, Александр Сергеевтар дьиэ кэргэттэрэ өрөспүүбүлүкэтээҕи «Дьиэ кэргэн» ийэ хапытаалын сэртипикээттэрин ыллылар.

Санаттахха, быйыл Саха Өрөспүүбүлүкэтин Ил Дархана Айсен Николаев көҕүлээһининэн  үһүс төрөөбүт оҕоҕо Саха сиринээҕи «Дьиэ кэргэн» ийэ хапытаалын кээмэйэ икки төгүл үрдээбитэ  – 151 690 солкуобайтан 300 000 солкуобайга диэри.

Салгыы Эдьигээн икки ыалыгар 110 775 солкуобай суумалаах «Үйэ оҕолоро» тус сыаллаах хапытаал сэртипикээтэ туттарылынна. Хапытаалынан 2022 сылтан Эдьигээн улууһугар барыта 88 ыал туһаммыта биллэр.

Хаартыска: Дмитрий Садовников телеграм-ханаала

— Эдэр дьон Уһук Хоту олохсуйа хаалалларын, дьиэ кэргэн тэринэллэрин, оҕолорун сөптөөхтүк иитэллэрин, кэскиллээх инники былааннарын оҥостоллорун көрөн олус үөрдүм. Оттон судаарыстыба соруга — кинилэр олоххо дьулуурдарын өйөөһүн уонна сөптөөх усулуобуйаны тэрийии!, — диэтэ Дмитрий Садовников.

+1
1
+1
1
+1
0
+1
0
+1
0
+1
0
+1
0
Бары сонуннар
Салгыы
24 мая
  • 10°C
  • Ощущается: 10°Влажность: 46% Скорость ветра: 1 м/с

Сообщить об опечатке

Текст, который будет отправлен нашим редакторам: