Анал байыаннай эпэрээссийэҕэ Абый улууһуттан төрүттээх Дмитрий Степанов олунньу ыйтан кыттар. Бу туһунан «Хотугу кыым» хаһыат ulus.media саайтка суруйар. Дмитрий 1998 сыллаахха аармыйаҕа сулууспалаан баран, устунан байыаннай сулууспаҕа хаалан, билигин кини Волгоградскай уобалас Камыши куоратыгар олорор.
Дмитрий Вера, Сергей Степановтарга үһүс оҕонон күн сирин көрбүтэ. Ураһалаах орто оскуолатын бүтэрэн, аармыйаҕа сулууспалаан баран, 1999 уонна 2003 сс. Грознай куораты көмүскээн, Чечня сэриитигэр сылдьыбыта. 2014 с. Украина бастакы сэриитигэр кыттыыны ылбыта. Быйыл анал байыаннай эпэрээссийэҕэ Украинаҕа олунньуга киирэн баран, бу атырдьах ыйын 27 күнүгэр кэллэ.
Дмитрий Сергеевич старшай сержант званиялаах, Г.К. Жуков мэтээлин наҕараадаламмыта, билигин 56 десантнай-штурмовой биригээдэҕэ разведка салаатыгар инструктордыыр. 2015 с. Москва куоракка үбүлүөйдээх Улуу Кыайыы параадыгар кыттыбыта.
Дмитрий дойдутугар кэлэ сылдьан оскуола оҕолорун кытта көрсөн, байыаннай олоҕун кэпсээтэ, боппуруостарга эппиэттээтэ.
— Байыаннай буоларга барыта бэйэтэ табыллан, суолум аһыллан испитэ. 1998 с. армияҕа ыам ыйыгар ыҥырыллан барбытым. Бэс ыйыгар присяганы ылынан, от ыйыгар отделение командира буолбутум. Кылгас кэм иһигэр бэйэҕин хайдах көрдөрөҕүн да, салгыы олоҕуҥ оннук барар. Оскуоланы бүтэрэр сылбар физкультурнай училищеҕа үөрэнэ киирбитим. Камаз массыынаҕа киирэн биэрэн, атахпын тоһутан, үөрэммэтэҕим. Арай бу быһылаан буолбатаҕа буоллар, мин олоҕум атын буолуо этэ. Билигин санаатахпына, мин суолбун арыйбыт түбэлтэ эбит дии саныыбын. Уопсайынан биһигини олохпут бэйэтэ барытын оҥорор.
— Бу буола турар балаһыанньа Чечня сэриититтэн олох атын. Урут эн автоматтаах сүүрэр эбит буоллаххына, билигин саа наадата суоҕун кэриэтэ. Билиҥҥи технологичнай диэххэ наада. Утарсааччыларгын көрбөккүн. Төбөҥ үрдүнэн саҥа аппараттар көтөллөр. Барытын көрө сылдьаллар. Ол иһин туох эмэ көтөр буоллаҕына «Жди подарок», мина кэлэн 200 м. тиийэ тарҕана эстэр. Табаарыһым түүн бронежилеттаах, каскалаах бэйэтин наадатыгар тахсан баран, 100 м. тэйиэс мина эстэн, көхсүнэн киирэн сүрэҕинэн тахсыбыта. 1 саастаах оҕото, эдэркээн кэргэнэ аҕалара суох хааллылар.
Салгыытын манна ааҕыҥ: https://xn--c1aogfugbl4da.xn--p1ai/article/79599
Бу чааска Нерюнгри оройуонун сиригэр-уотугар өрөспүүбүлүкэтээҕи Олоҥхо ыһыаҕа ыытылла турар. Дьокуускай куораттааҕы "Уу-чуку-чук" уһуйаан оҕолорун…
Ленскэй улууһун силиэстийэлиир отделынан Ленскэй куораттааҕы мэдиссиинэн тэрилтэтин неврологическай отделениетын сэбиэдиссэйигэр сыһыаннаах, РФ Холуобунай Кодексатын…
Бүгүн, от ыйын 4 күнүгэр, Олоҥхо ыһыаҕар айар кэлэктииптэрэ араас күрэстэргэ кытта сылдьаллар. Кэрэхсэбиллээҕэ баар,…
Олоҥхо ыһыаҕын биир элбэх ахсааннаах кыттааччылаах уонна ураты оҥоһуулаах былаһаакканан аҕыйах ахсааннаах норуоттар түһүлгэлэрэ буолла.…
Бэс ыйын биир үтүө куйаас күнүгэр Сунтаар нэһилиэгин кырдьаҕас олохтооҕо, бэтэринээринэй сулууспа бэтэрээн үлэһитэ Владимир…
Дьокуускай куорат борокуратуурата икки кыыска сыһыаннаах холуобунай дьыалаҕа судаарыстыбаннай буруйдааһыны өйөөтө. Кинилэр РФ Холуобунай кодексын…