Хаартыска: Дмитрий Тихонов ТГ-ханаалыттан.
Бу күннэргэ Мэҥэ Хаҥалас улууһун баһылыга Дмитрий Тихонов «Мээрдэр оскуолалара» анал үөрэҕи ситиһиилээхтик түмүктээтэ.
Бу туһунан кини бэйэтин ТГ-ханаалыгар маннык сырдатта:
— Дойду Бэрэсидьиэнэ Владимир Путин сорудаҕынан «Мээрдэр оскуолалара»муниципальнай салайар каадыр эрэсиэрбэтин сайыннарар бырагырааманан 2024 сыл алтынньытыттан саҕалаан анал үөрэҕи аастым. Бу бырайыак РФ Бэрэсидьиэнин дьаһалтатынан уонна Бүтүн Арассыыйатааҕы олохтоох бэйэни салайыныыны сайыннарар ассоциация өйөбүлүнэн Бэрэсидьиэн академиятын судаарыстыбаннай салайыыга үрдүкү оскуолата үлэлэтэр. Дойду 82 эрэгийиэниттэн 160 салайааччы үөрэннэ. Грознай, Иркутскай, Самара уонна да атын Арассыыйа араас куораттарыгар 6 үөрэх түһүмэҕин аастыбыт. Биллэн турар, улахан уопуту ыллыбыт уонна муниципальнай салайыыга бастыҥ үөрүйэхтэргэ уһуйулуннубут. Арассыыйа араас муннугар бэйэлэрин идэлэригэр бэриниилээх, дойдубут туһугар биир сыаллаах-соруктаах үлэлии-хамсыы, айа-тута сылдьар биир идэлээх дьоммуттан астынабын.
Барҕа махталбын тиэрдэбин: Ил Дархан Айсен Николаевка – бырагыраамаҕа кыттарбар өйөбүлүн иһин. «Мээрдэр оскуолаларын» тэрийээччилэригэр – саҥаны билэргэ-көрөргө, ураты уопут ыларга кыах биэрбиттэригэр.
Төрөөбүт, тапталлаах дойдум – Мэҥэ Хаҥалаһым салгыы сайдарын, дьоммут-сэргэбит бигэ туруктаах, ыччаттарбыт кэскиллээх буолалларын туһугар, ылбыт билиибин-көрүүбүн туһаныам, саҥа ситиһии, кыайыы кэлэригэр тирэх оҥостуом!
Түөкүттэр Оҥоһуу өй көмөтүнэн сымыйа хаартыскалары оҥорон харчы көрдүүр буолбуттар. Сыгынньах хаартыскалары оҥорон түөкүттэр социальнай…
Арассыыйа олохтоохторо подъезтарга бөҕү-сыыһы мустахтарынан ыстарааптаныахтарын сөп. Ыстараап кээмэйэ 2-тэн 3 тыһыынча солкуобайга диэри, оттон…
Үөһээ Бүлүүтээҕи суут быһаарыытынан 40 саастаах дьахтар алимены төлөөбөтөҕүнэн буруйдааҕынан ааҕылынна. Ол курдук, 2023 сыллаахха…
«Айтал уонна аптаах күүс» ойуулукка куорат оҕото - Айтал туһунан кэпсэнэр. Кини сайын дэриэбинэҕэ эбэтигэр…
Эмтээх үүнээйини хомуйуу күнүн-дьылын халандаарынан бэс ыйын 8 күнүттэн от ыйын 1 күнүгэр диэри үөрэ…
Саха сиригэр анал байыаннай дьайыыы кыттыылаахтарын оҕолоругар психолого-педагогическай көмөнү оҥорорго оскуола иннинээҕи үөрэхтээһин бары таһымын…