“Саха Өрөспүүбүлүкэтигэр Олохтоох бэйэни салайыныы туһунан» сокуоҥҥа уларытыылары киллэрии барылын тула үгүс кэпсэтии барар. Сорох утарар, атын ылынар.
Саҥаны олохтуур, уларытыыны киллэрии үксүгэр кэриэтэ мөккүөрдээх буолара баар чахчы. Санаа араастаһыыта уларытыы ис дьиҥин билбэттэн, ситэ өйдөөбөттөн үксүгэр тахсара мэлдьэх буолбат.
Сокуоҥҥа уларытыылар тустарынан “Мэҥэ Хаҥалас улууһа» муниципальнай оройуон баһылыгыттан Дмитрий ТИХОНОВЫ кытары бэйэтин санаатын үллэстэригэр көрдөстүбүт.
— Дмитрий Иванович, Олохтоох бэйэни салайыныы туһунан сокуоҥҥа биир тиһиктээх былаас ситимигэр көһүүнэн уларытыылар киллэриллэллэринэн нэһилиэнньэ ортотугар санаа араастаһыыта тахсар. Ити сокуоҥҥа киирэр уларытыы ис дьиҥин билбэттэн, ситэ өйдөөбөттөн эмиэ тахсара буолуо дуу?
— Оннук. Уларытыыны киллэрэргэ салалта биир күнүнэн быһаарыныы ылыммытаҕа чахчы, үгүс утарар уонна биһирэнэр төрүөттэр, өрүттэр үчүгэйдик ырытыллан, сыныйан үөрэтиллэн баран дьүүлгэ таһаарылыннахтара. Аҥаардас биир өртүттэн кэлтэйдии ылыныллыбыт уларытыы буолбатаҕын өйдүөх тустаахпыт.
Дьон-сэргэ санаатыгар, баар балаһыанньаттан аттарыллан таһаарылыннаҕа. Холобур, бу күһүн балаҕан ыйыгар муниципальнай таһымҥа быыбардар ыытылыннылар. Ону ылан көрдөххө, урукку сыллардааҕар билиҥҥи быыбардар уратылардаахтар. Ол тугунан диир буоллахха, быыбарга кыттар дьон ахсаана лаппа аҕыйаата. Сорох улуустарга, нэһилиэк баһылыгар хандьыдаатынан турар да киһи суох буолла. Онон быыбар болдьоҕун көһөрүүгэ күһэлиннилэр. Итинник балаһыанньа биһиги өрөспүүбүлүкэбитигэр 2005 сыллаахтан икки таһымнаах олохтоох бэйэни салайыныыга киирбиппитин кэннэ саҥа буолла. Тоҕо маннык буолбутун бэркэ билэбит. Олохпут хаамыытынан кэм-кэрдии эмиэ уларыйар. Мээнэ түбэһиэхчэ ыллын да баһылыгынан талыллан үлэлиир баҕалаах киһи биллэ-көстө аҕыйаата. Эппиэтинэс хас эмэ төгүл үрдээн дьон туттунар буоллулар. Билэрбит курдук, урукку кэмҥэ сорох нэһилиэккэ баһылык дуоһунаһыгар 10-тан тахса хандьыдаат турара дии. Быйыл биһиги улууспут биэс нэһилиэгэр баһылык быыбара ааста. Онно хандьыдаат ахсаана лаппа аҕыйаабыта көһүннэ. Бэлиэтии көрөрбүнэн, төрөөбүт дойдуларын, дьоннорун иннилэригэр дьиҥ бэриниилээх ыччаттар баһылыгынан талыллан үлэлииргэ баҕа санааларын биллэрдилэр. Итинтэн киһи, биллэн турар, астынар, холобур оҥостор. Биир дойдулаахтарын иннилэригэр тус эппиэтинэһи сүгэр ыччаттардаах буоламмыт быыбардарбыт этэҥҥэ аастылар.
Бүгүн, ахсынньы 9 күнүгэр, полиция үлэһиттэрэ интэриниэт ситимигэр "Алеша" тааҥка" мемориальнай эбийиэги киртиппиттэрин туһунан иһитиннэриини…
Офтальмология өрөспүүбүлүкэтээҕи балыыһатыгар байыаннай дьайыы кыттыылаахтарыгар суһал көмөнү оҥоруу салҕанар. Соторутааҕыта Амма улууһуттан төрүттээх байыаска…
Дьокуускайга хантараагынан дьону сүүмэрдиир пууҥҥа пилота суох систиэмэлэр чаастарыгар сулууспалыан баҕалаахтарга ирдэбил туһунан кэпсээтилэр. “РФ…
Бүгүн, Аҕа дойду Дьоруойдарын күнүгэр, Муусука уонна фольклор түмэлигэр байыаннай дьайыы кыттыылаахтарын, былаас уорганнарын, култуура,…
Бүгүн Аҕа дойду Дьоруойдарын күнүгэр Ил Дархан Айсен Николаев биир дойдулаахтарбытын - Арассыыйа Дьоруойдарын кытары…
«Үтүөнү оҥоруохха» аахсыйа чэрчитинэн, «Патриот» ыччат киинин волонтердара доруобуйаларынан хааччахтаах аҥаардас дьоҥҥо уонна инбэлиит оҕолоох…