Донецкай Норуодунай Өрөспүүбүлүкэ баһылыгын эбээһинэһин толорооччу Денис Пушилин, Ил Дархан Айсен Николаевка өрөспүүбүлүкэни чөлүгэр түһэриигэ өйөбүлүн иһин махталын тириэртэ.
Айсен Николаев Москваҕа командировкаҕа сылдьарынан сибээстээн, ДНӨ баһылыгын сүбэһитэ, бойобуой дьайыы бэтэрээнэ Игорь Кимаковскай Дьокуускайга оробуочай сырыытын кэмигэр Денис Пушилин Махтал суругун СӨ Ил Дарханын уонна бырабыыталыстыбатын дьаһалтатын салайааччытыгар Георгий Михайловка туттарда.
Денис Пушилин Саха сирэ бу ыарахан кэмҥэ Донбаһы чөлүгэр түһэриигэ сүҥкэн көмөтүн, өйөбүлүн иһин махталын биллэрдэ. Игорь Кимаковскай Саха сирин дьоно-сэргэтэ күн бүгүн Кировскай куораты чөлүгэр түһэриигэ үлэлииллэрин бэлиэтээн эттэ. Аҥаардас 2022 сылга өрөспүүбүлүкэ күүһүнэн уонча эбийиэк өрөмүөннэммит. Ол иһигэр мэдиссиинэ, үөрэх тэрилтэлэрэ. Кировскайдааҕы оскуолаҕа хапытаалынай өрөмүөн ыытыллыбыт. Үөрэх тэрилтэтигэр кинигэ атыылаһыллыбыт. Өрөспүүбүлүкэ улахан кыамталаах трансформатордары атыыласпыт. Маны таһынан ууну ыраастааһын боппуруоһа быһаарыллыбыт. Саха сирин көмөтүнэн маны таһынан былырыын 500 оҕо Крым уонна Краснодарскай кыраай лааҕырдарыгар сынньаннылар диэн Кимаковскай кэпсээтэ.
«Донецкай Норуодунай Өрөспүүбүлүкэттэн махталы тутар олус долгутуулаах. Бу улахан чиэс. Биһиэхэ улахан эппиэтинэс сүктэриллибитин биһиги өйдүүбүт. Саха сирин олохтоохторугар көмөҕүт иһин махталбын тириэрдэбин. Кировскайга үлэлээбит уолаттар олохтоохтор Саха сиригэр махтаналларын туһунан кэпсээбиттэрэ», – диэн Георгий Михайлов харда тылыгар эттэ.
Хоту көһөрүллүү күнүн бэлиэтиир тэрээһиннэр чэрчилэринэн, Чурапчыга “Айылгы” НАДь фойетыгар Саха сиригэр соҕотох баталист-худуоһунньук Иван…
СӨ Быыһыыр сулууспата иһитиннэрбитинэн, балаҕан ыйын 17 күнүгэр 21.15 ч. Дьокуускай куоракка Сайсары күөлгэ 2000…
Амма сэлиэнньэтигэр Мир уулуссаҕа таба киирэн олохтоохтору соһутта. Туһааннаах видео бу күннэргэ социальнай ситиминэн тарҕанна.
"Путь воина" байыаннай-тактическай күрэхтэһиигэ бэҕэһээ Волгоградскай уобалас «Сталинград» уонна Тюменьскай уобалас «Соболь» хамаандалара күөн көрүстүлэр.…
«Чолбон» сурунаал балаҕан ыйынааҕы нүөмэригэр: - «Улуу Кыайыы айымньыларыгар» норуот суруйааччыта Николай Лугинов номоххо киирбит…
ИДьМ Тааттатааҕы салаатын дьуһуурунай чааһыгар, 83 саастаах аҕам саастаах киһиэхэ кимэ биллибэт киһи саба түспүтүн…