Хаартыска: sakha.gov.ru
Донецкай Норуодунай Өрөспүүбүлүкэҕэ 222 тыһыынчаттан тахса киһи олорор 6 муниципальнай тэриллиигэ 26 нэһилиэнньэлээх пуун Уһук Илин субъектарыгар сыһыарылынна. Бу туһунан ТАСС-ка интервьютугар вице-премьер — РФ Бэрэсидьиэнин Уһук илин федеральнай уокуругар боломуочуйалаах бэрэстэбиитэлэ Юрий Трутнев кэпсээтэ.
«2022 сылга Уһук Илин эрэгийиэннэрэ Донецкай Норуодунай Өрөспүүбүлүкэҕэ 2,3 млрд солкуобайтан тахса суумалаах 320 социальнай эбийиэги тутууга үлэлээтилэр. 2023 сылга 271 эбийиэккэ үлэ барбыта. Бу социальнай инфраструктураны уонна олорор дьиэни чөлүгэр түһэрии эрэ буолбатах. Ол курдук, Уһук Илин гуманитарнай көмөнү оҥорор. 2022 сылтан былырыыҥҥы сыл бүтүөр диэри субъектарбыт 1,4 тыһыынча туонна гуманитарнай көмөнү оҥордулар. 117 массыына уонна анал тиэхиньикэ атыылаһыллыбыта. 8,6 тыһ. тахса оҕо доруобуйаларын чэбдигирдибиттэрэ. Үс сыл устата эрэгийиэннэрбит ДНӨ-гэр 12 млрд тахса солк. ыыттылар. Билигин 178 эбийиэккэ үлэ ыытылынна (90 быр.), итинтэн 159 түмүктэннэ. Үс балыыһаны, 13 оскуоланы, 5 уһуйааны, успуорт былаһааккатын чөлүгэр түһэрдилэр. Суолу, уу ситимин оҥороллор. Сыл бүтүөр диэри өссө 19 эбийиэги үлэҕэ киллэриэхпит. Донбасска дьон дьиэлэригэр төннөр, ол аата сырабыт таах хаалбатах”, — диэтэ Юрий Трутнев.
Арассыыйа эрэгийиэннэригэр Бэрэсидьиэн Владимир Путин сорудаҕынан “Воин” байыаннай-спортивнай бэлэмнэнии кииннэрэ тэриллэр. “Бу дьоһун дьыаланы оҥорор: эдэр патриоттары бэлэмниир. Бүгүн филиал кииннэрэ 21 эрэгийиэҥҥэ үлэлииллэр, ол иһигэр Бурятияҕа, Саха сиригэр, Татарстаҥҥа, Чечняҕа, Донецкай Норуодунай Өрөспүүбүлүкэҕэ.
Үөрэтии оскуолалар, тиэхиньикумнар, үрдүк үөрэх кыһаларын баазаларыгар үөрэҕи тас өттүнэн кэмҥэ ыытыллар. 2030 сылга бу филиаллар дойду бары субъектарыгар тэриллиэхтэрэ. Байыаннай дьайыы дьоруойдарын ааттарын итилэргэ иҥэриэхпит. “Время юных героев “ сайыҥҥы бырагыраамаҕа аны тохтуом.
Бу “Орленок”, “Смена”, “Океан” оҕо лааҕырдарыгар уонна Бүтүн Арассыыйатааҕы кииннэргэ практическай хомуурдар, күрэхтэһиилэр. 2025 сылга 13 тыһыынча кэриҥэ курсаан бэлэмнэннэ. Патриотизм диэн – көннөрү лозунг буолбатах, бу дьайыы. Ыччат Аҕа дойдуну саанан-сэбинэн эрэ буолбакка, үлэнэн, билиинэн көмүскүөхтээх диэн билиэхтээх”, — диэтэ Юрий Трутнев. Сиһилии манна көрүҥ https://www.sakha.gov.ru/news/13839
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
Алтынньы 17 күнүгэр Аҕа дойду Улуу сэриитин бэтэрээнэ, Социалистическай Үлэ Дьоруойа, Ленин уордьанын, «Сиэрпэ уонна…
Орто Халымаҕа арыгы иһэн баран итирик туруктаах тахсыбыт иирсээн алдьархайга тиэрдибит. Эрин куукуна быһаҕынан өлөрбүт…
Күн уота аҕыйыыр, күн кылгыыр, кириип, сыстыганнаах вирус ыарыытын ахсаана элбиир – кыһын киһиэхэ санаа…
Владимир Балынец дойду паралимпийскай сүүмэрдэммит хамаандатын састаабыгар киирэн, пауэрлифтиҥҥэ аан дойду чөмпүйэнээтин үрүҥ көмүс мэтээлин…
Бу күннэргэ Ньурба олохтооҕо, история учуутала Галина Копылова дьиэтигэр гранат диэн экзотическай фруктаны үүннэрбитин хаартыскалара…
Бырабыыталыстыба бэрэссэдээтэлин солбуйааччы – Бэрэсидьиэн Уһук Илиҥҥэ боломуочуйалаах бэрэстэбиитэлэ Юрий Трутнев ыыппыт Уһук Илин социальнай-экэнэмиичэскэй…