Хаартыска: Саргын Скрябин, СИА.
Аҕа дойду Дьоруойдарын күнүгэр Дьокуускайга “Эр санааланыы уруога” буолла. Тэрээһиҥҥэ видео сибээһинэн Саха сирин, Донецкай Норуодунай Өрөспүүбүлүкэ эдэр армеецтара уонна Дьокуускайдааҕы кадетскай оскуола иитиллээччилэрэ кытыннылар.
Эдэр патриоттары ДНӨ баһылыгын сүбэһитэ Игорь Кимаковскай эҕэрдэлээтэ, ДНӨ уонна Саха сирин икки ардыларыгар күүстээх бырааттыы сыһыан баарын бэлиэтээтэ.
“Саха сирин үгүс байыаһыгар ДНӨ кыргыһыытыгар РФ Дьоруойа эрэ буолбакка, Донецкай Норуодунай Өрөспүүбүлүкэ Дьоруойа аат иҥэриллибитэ. Бүгүн сахалар Донбаһы көмүскүүллэрин таһынан, Кировскай уонна Докучаевскай куораттары чөлүгэр түһэрэллэр”, – диэн Игорь Кимаковскай эттэ.
Икки эрэгийиэн эдэр оҕолоругар саҥа доҕоттордоноллоругар, кыттыгас патриотическай аахсыйалары олоххо киллэрэллэригэр баҕа санаатын тириэртэ.
Донецкай, Дьокуускай куораттарын, Булуҥ, Ленскэй, Аллараа Халыма, Бүлүү, Сунтаар улуустарын эдэр армеецтара, кадеттара быһа сибээс кэмигэр доҕордоһуу, хардарыта көмөлөсүһүү туһунан санааларын эттилэр, Донбас олохтоохторугар уонна анал байыаннай дьайыы байыастарыгар гуманитарнай көмөнөн кыттыы туһунан кэпсээтилэр.
Тэрээһиҥҥэ Донецкай куорат “Доблесть” эдэр армеецтарын этэрээтин салайааччыта Людмила Бурова кытынна, Байыастар дьиэ кэргэттэрин кэмитиэтин Саха сиринээҕи салаатын салайааччылара Альбина Винокурова, Саргылаана Неустроева тэрийэн, салайан ыыттылар.
Ил Дархан уонна Бырабыыталыстыба пресс-сулууспата.
СӨ бырабыыталыстыбатын бэрэссэдээтэлин солбуйааччы Георгий Степанов салайааччылаах отчуоттуур бөлөх Туойдаах нэһилиэгин олохтоохторун иннигэр ааспыт сыллааҕы…
Бүгүн, олунньу 16 күнүттэн, вице-премьер Сергей Местников салайааччылаах СӨ бырабыыталыстыбатын бөлөҕө Ньурба улууһугар үлэлиир. Оробуочай…
Ааспыт өрөбүл күннэргэ Дьокуускай куоракка 11 суол быһылаана тахсан, биир киһи эчэйдэ. Олунньу 14 күнүгэр …
Төрөөбүт тыл уонна сурук-бичик күнүн чэрчитинэн сылын аайы ыытыллар өрөспүүбүлүкэтээҕи "Сахалыы дьыктаан" аахсыйа быйыл 12-с төгүлүн…
Саха сиригэр 38 байыаннай дьайыы инбэлиитэ уонна кини кэргэнэ суоппары бэлэмнээһин бырагырааматыгар үөрэммит ороскуота төлөннө.…
Бүгүн, олунньу 16 күнүгэр, 03.48 ч. "112" суһал нүөмэргэ, Жатай бөһүөлэгин чугаһыгар, арыыга, массыыналаах балыксыттар…