«Доброволец Донбасса» бэлиэлэри туттардылар

Бүгүн, муус устар 10 күнүгэр, «Защитники отечества» Судаарыстыбаннай пуонда  филиалыгар «Доброволец Донбасса» түөскэ кэтиллэр бэлиэлэри уонна дастабырыанньалары туттардылар.

Түөскэ кэтиллэр «Доброволец Донбасса»бэлиэни туттарыах иннинэ «Защитники отечества» Судаарыстыбаннай пуонда филиалын салайааччыта Алексей Иванович Александров тыл эттэ. Бу туттарыллар бэлиэ биһиги байыастарбыт хорсун быһыыларын көрдөрөр диэн бэлиэтээтэ.

Бэлиэни Донбасс доброволецтарын Сойууһун Саха сиринээҕи салаатын салайааччыта, байыаннай дьайыы бэтэрээнэ Аркадий Аркадьевич Пудов туттарда. Уопсайа маннык бэлиэни уонна дастабырыанньаны 25 киһиэхэ туттардылар.

Бэлиэлэри туттарыы кэнниттэн байыаннай дьайыы кэмигэр хорсуннук олохторун толук уурбут биир дойдулаахтарбыт сырдык ааттарын кэриэстээн чуумпуруу мүнүүтэтэ буолла. Ол кэннэ мустубут байыастары кытта уопсай хаартыскаҕа түһүү буолла.