хаартыска: Ж.Стрюкова
Догдоҥо нэһилиэгэр уулуссаҕа таах халтай хаама сылдьар киһини көрүөҥ суоҕа. Сүөһүлээх-астаах өттө оттуу сылдьаллар. Нэһилиэккэ (баһылык П.Д.Сивцев) 3 сүөһү иитиитинэн, 2 сылгынан дьарыктанар бааһынай хаһаайыстыбалар бааллар.
Баһылык э.т. Николай Павлов этэринэн, хаһаайыстыбаларга 248 сүөһү, 307 сылгы иитиллэн турар. Окко былааны хаһаайыстыбаларынан тиэрдибиттэр. Ол курдук, билиҥҥи туругунан, лукиннар 10 туоннаны, карамзиннар 8 туоннаны, морозовтар 20 туоннаны, кэтэх хаһаайыстыбалар 35 туоннаны бэлэмнээтилэр. “Союз” КФХ 40 туонна оту кэбистэ.
Догдоҥо олохтооҕо, сахалыы хаһыаттары барытын суруйтаран ааҕар Леонид Степанов от үлэтиттэн туора турбат. Кинпи аймахтарыныын ахсыа буолан Манчаары алааһыгар Сотоҕо оттууллар. Иллэрээ күн икки тыраахтарынан муспуттар.
— От үүнүүтэ үчүгэй. Быйыл тиэрэ үүннэ. Оннооҕор бу көрөр тэлгэһэҕититтэн оту ыллыбыт. Өссө икки алаастаахпыт. Үс тыраахтарынан оппутун охсубуттара. Юрий Степанов, Спартак Титов, Ян Избеков буоланнар. Үс тыраахтартан иккитэ – “Синтай”. Оппутун дьиэбит таһыгар массыынанан тиэйэн аҕалан кэбиһиэхпит. Тоҕо диэтэххэ, кыһыҥҥы өттүгэр тыраахтарынан оту тиэйии өҥөтө ыарыаҕа. Сорох отчуттарбыт куораттан эҥин көмөлөһө кэлиэхтэрэ, билиҥҥитэ уоппускаҕа бара иликтэр. Онон быйыл сайын сыл тахсар оппутун булунуохпут, — диир эрэллээхтик Леонид Николаевич.
“Далбар” абырыыр
Оттооһун хампаанньатын кэмигэр отчуттары килиэбинэн. Аһынан-үөлүнэн хааччыйыы эмиэ тутаах сорук. Бу соругу “Далбар” маҕаһыын атыыһыта Александра Новгородова үтүө суобастаахтык толорор. Маҕаһыын долбуурдара араас аһынан, таҥаһынан толорулар. Александра Васильевна Аллараа Бэстээхтэн эрэ буолбакка, таҥаһы-сабы соҕуруу куораттартан, Кытайтан тиийэ аҕалар эбит. “Холбос” респотребсоюз эрдэхтэн үлэлээбит буорлан уопуттааҕа харахха тута быраҕыллар. Маҕаһыын сыаната куорат кууһунан атыылыыр маҕаһыыннарыттан да сорох көрүҥнэргэ чэпчэки курдук. Онон догдоҥолор оттооһун кэмигэр аһынан-үөлүнэн хааччыллыылаахтар.
Дьокуускай куоракка сылаас тохтобулларга оҕолор уруһуйдарын көрүөххэ сөп. Ол курдук, “Доҕордоһуу болуоссатын “ уонна “Центральный”…
Бу күннэргэ Саҥа дьылы көрсө Горнай улууһун Бэрдьигэстээҕэр "Күбэйэ" туой оҥоһук арт-устуудьуйа хаһаайкалара "Эйэ" түөлбэ…
«Волгабас» мааркалаах бастакы оптуобустары массыына собуотуттан Аллараа Бэстээххэ тириэртилэр. Тохсунньу бүтүүтэ Дьокуускай маршруттарыгар сырыыны саҕалыахтара.…
Саҥа дьыл бырааһынньыгын көрсө бу күннэргэ өрөспүүбүлүкэ үрдүнэн "Үтүө санаа харыйата" аахсыйа ыытылла турар. Нам…
Саҥа дьыллааҕы бырааһынньыктар чугаһаабыттарынан түөкүттэр куйаар ситимигэр дьону албынныыллара эмиэ саҕаланна. Кинилэр биир ньымаларынан «Кистэлэҥ…
Арассыыйаҕа үүнэр сыл олунньу 1 күнүттэн биир дьиэ кэргэҥҥэ биир эрэ чэпчэтиилээх кирэдьиити биэрэр хааччах…