Доҕордоһуу болуоссатыгар 33 орто үөрэх кыһалара муһуннулар

Дьокуускайга «Профмаршрут: Старт карьеры» диэн орто үөрэх кыһаларыгар докумуоннары туттарыы күнэ ыытылынна. 33 колледж уонна техникум бэрэстэбиитэллэрэ Доҕордоһуу болуоссатыгар муһуннулар.

Абитуриеннар үөрэх эйгэтигэр кэскиллээх идэлэри кытт абилистилэр, устудьуоннар олохторун уратыларын, оҥорон таһаарыы практикатын ааһар усулуобуйаларын уонна хампаанньаларга үлэ усулуобуйаларын билсэр кыахтаннылар. Преподавательгэ ыйытыы биэриэхтэрин уонна талбыт идэлэригэр тута докумуоннарын туттарыахтарын сөп.

“Биһиги колледжтарбыт уонна техникумнарбыт — аныгы мастарыскыайдар, туһааннаах үөрэх бырагыраамалара уонна өрөспүүбүлүкэ  үлэ биэрээччилэрин кытта ыкса сибээстээхтик бииргэ үлэлэһии. Билигин абитуриеннарга идэни талар уонна ситиһиилээх карьераҕа бастакы хардыыны оҥорорго ураты кыах баар», — диэтэ үөрэх уонна наука миниистирин бастакы солбуйааччы Михаил Присяжнай.

Тэрээһиҥҥэ орто үөрэх тэрилтэлэрэ Дьокуускайтан, Жатайтан, Намтан, Нерюнгриттэн, Чурапчыттан, о.д.а. кыттыыны ыллылар.

Колледжтарга үөрэххэ ылыы хампаанньата атырдьах ыйын 15 күнүгэр диэри салҕанар. Орто үөрэх кыһаларыгар 37 140 сайабылыанньа номнуо бэриллибит. Сайабылыанньаны биэрээччилэр саамай тарҕаммыт хайысхаларыгар доруобуйа харыстабылын, үөрэх, тиэхиньикэ, тырааныспар технологията, экономика уонна салайыы бааллар.

Сиһилии: https://www.sakha.gov.ru/news/9638