«Доҕордоһуу куолаһа» Томпоҕо дуорайда

Бу күннэргэ Томпо улууһугар «Доҕордоһуу куолаһа» («Голос дружбы») норуоттар икки ардыларынааҕы бырайыак чэрчитинэн дириҥ ис хоһоонноох тэрээһин буолан ааста. 
Бу А.Е Кулаковскай-Өксөкүлээх Өлөксөй аатынан Норуоттар доҕордоһууларын дьиэтин үлэһиттэрэ араас омуктары  сомоҕолуур тэрээһиннэрин улуустарынан сылдьан билиһиннэриилэрэ буолар.

Тэрээһин Дьокуускай куорат уонна Томпо улууһун айар бөлөхтөрө уонна национальнай култуурунай түмсүүлэрэ бииргэ холбоһон ыытар тэрээһиннэри өрүү үгүс дьону түмэр. А.Е Кулаковскай-Өксөкүлээх Өлөксөй аатынан норуоттар доҕордоһууларын дьиэтин үлэһиттэрэ Жанна Николаева, Ирина Стрекаловская, Валерий Сергеев, Сахаяев Нохсорова, Арина Суйундукова, Хаандыга нэһилиэгиттэн — Вероника Захарова, Оксана Фуштей уонна Рустам Казаков, Тополинай нэһилиэгиттэн эбээн норуотун общината холбоһон «Доҕордоһуу куолаһа» диэн кэнсиэри тэрийдилэр.  “Сээдьэ” эбээн үҥкүүтүгэр кэлбит дьон бары үҥкүүлээтилэр.  Тэрээһин кыттыылаахтара талааннарын көрдөрөр, араас омуктар култуурунай нэһилиэстибэдэрин үллэстэр уонна норуоттар икки ардыларынааҕы доҕордуу сибээһи бөҕөргөтөр кыахтаннылар.