Хаартыскалары Виктория Шамаева ыытта
Дойду бэрэсидьиэнэ Владимир Путин Арассыыйаҕа тыа хаһаайыстыбата сайдыытыгар улахан суолтаны биэрэр. Маныаха бу салааҕа үөрэнэр устудьуоннар эмиэ көхтөөхтүк кытталлар.
«MicroVetLab» мобильнай микролабораторияны тэрийиигэ кыттыспыт Арктикатааҕы ГАТУ бэтэринээринэй мэдиссиинэ факультетын 4 кууруһун устудьуона Виктория Шамаева санаатын маннык үллэһиннэ:
— Мин бу бырайыакка салайааччынан буолабын. Биһиги хамаандабытыгар бааллар: Г.П.Сердцев бэрэпиэссэр аатынан ВНБ ФиА кафедратын ыстаарсай преподавателлара Нюргина Алексеева, Владимир Габышев, паразитология уонна эпизоотология кафедратын доцена Терентий Платонов, АГАТУ 4 кууруһун устудьуона Валерия Иванова.
Бу дьоҕус лабораторияны устудьуоннар биохакатоннарыгар тобулан оҥорбуппут. Онтон «Сильные идеи для нового времени» пуорумҥа бу идиэйэбитин киллэрбиппит. Манна бырайыакпыт эрэгийиэннээҕи түһүмэххэ ТОП-10 иһигэр киирбитэ. Уонна СӨ Тыатын хаһаайыстыбатын министиэристибэтиттэн уонна Бэтэринээрийэ департаменыттан методологическай көмөнү ылбыта.
Биллэрин курдук, тырааныспарынан сибээстэһии мөлтөҕүттэн паразитарнай инфекцияҕа кэмигэр хаачыстыбалаах диагностика кыайан оҥоһуллубат. Ол түмүгэр боруобаны тиэрдии ыарыыр.
Биһиги лабораториябыт инфекциялары түргэнник уонна хаачыстыбалаахтык оҥорор кыаҕы биэриэҕэ. Бу пиэрмэрдэргэ, питомниктары бас билээччилэргэ, табаһыттарга, наука үлэһиттэригэр туһалаах буолуоҕа. Билигин биһиги боксаны хомуйан, улуустарга ыытарга бэлэмнэнэбит. Онон лабораториябыт туһалаах буолуо диэн эрэнэбит.
Уус Алдан улууһун Дүпсүн нэһилиэгин олохтоохторо, чуолаан "Сардаҥа" оҕо уһуйаанын иитиллээччилэрэ уонна үлэһиттэрэ Дьокуускайга уонна…
Өрөспүүбүлүкэтээҕи харах килиниичэскэй балыыһатын кылаабынай бырааһа Иван Луцкан Арассыыйа Бэрэсидьиэнин Ыйааҕынан Пирогов уордьанын ылар чиэскэ…
Үөрэх уонна билим миниистирэ Нюргуна Соколова суруналыыстары кытта көрсөн ааһан эрэр сыл барыллаан түмүгүн кэпсээтэ,…
Дьокуускайга "Дохсун" успуорт комплексыгар СӨ физическэй култууратын уонна успуордун министиэристибэтин түмүктүүр тэрээһиннэрэ саҕаланнылар. Ону сэргэ,…
Сааһырбыт киһи доруобуйатын күннэтэ көрүнэр, чэбдигирдэр буоллаҕына, уһуннук доруобай, чөл туруктаах сылдьыан сөп. Сааһырбат дьоҥҥо…
Кини граҥҥа киирсиитэ бу бастакы сырыыта буолбатах. Ол курдук, СӨ Тыатын хаһаайыстыбатын уонна ас-үөл бэлиитикэтин…