С.Рожина хаартыскаҕа түһэриитэ
Таатта улууһугар А.Е.Кулаковскай — Өксөкүлээх Өлөксөй аатынан Дьохсоҕон орто оскуолатын тустуук оҕолор интэринээттэригэр уонна нэһилиэк культурнай-спортивнай комплексыгар дэлэгээссийэ кэлэн ыалдьыттаата.
Ол курдук, «Уһук Илиҥҥи Федеральнай уокурук оскуолаларыгар успуорт 50 саалата» бырагыраама иитинэн, киокусинкай каратеҕа аан дойду үс төгүллээх чөмпүйүөнэ Хаид Мантаев кэлэн успуордунан дьарыктанар кэнчээри ыччаппытын кытта көрүстэ. Кинилэр хайдах усулуобуйаҕа дьарыктаналларын көрдө. Дэлэгээссийэни Таатта улууһун баһылыгын э.т. Р.Захаров, улуустааҕы үөрэх управлениетын начаалынньыга И.Дягилев арыаллаан илдьэ сырыттылар.
Улууска ыытыллыбыт спартакиадаҕа хапсаҕайга хамаанданан 1 миэстэни ылан үөрэн-көтөн кэлбит оҕолорбут уонна тириэньэрдэрэ Е.Малышев бу күн нэһилиэк КСК саалатыгар ыалдьыттары көрүстүлэр. Дьохсоҕон нэһилиэгин баһылыга В.Охотин уонна орто оскуола дириэктэрин э.т. С.Рожина көрсүһүүгэ нэһилиэккэ ыытыллар үлэни-хамнаһы, инники былааннарын билиһиннэрдилэр, оскуоланы сэргэ тустуунан дьарыктанарга саала тутуллара олус наадатын бэлиэтээтилэр, кэккэ кыһалҕаларга тохтоотулар, санааларын үллэһиннилэр.
В.Харайданова,
Дьохсоҕон оскуола-интэринээтин иитээччитэ.
С.Рожина хаартыскаҕа түһэриитэ
Алтынньы ыйга Саха сиригэр өссө 20 км уһуннаах эрэгийиэннээҕи суолталаах суол өрөмүөнэ түмүктэннэ. Бу туһунан…
Үлэ ырыынагар үлэһит илии тиийбэтэ уонна импорты солбуйар оҥорон таһаарыы күүскэ сайдыыта кэнники сылларга хамнас…
Таатта улууһун борокуратууратын быһаарбытынан, Алдан нэһилиэгин баһылыга дуоһунаһын туһанан, урбаанньыт быраатын кытта 453 тыһ. солк.…
Реабилитацияланарга тэхиниичэскэй сириэстибэлэри прокаттыыр пууннар өрөспүүбүлүкэ бары улуустарыгар уонна Дьокуускай куоракка аһылыннылар, диэн СӨ Үлэҕэ…
Бүгүн Хаҥалас улууһугар бэлиэ тэрээһин – Тыгын Дархан пааматынньыгын уонна кини сыдьааннарыгар анаммыт мемориальнай комплексы…
«Кыайыыга бииргэ!» өрөспүүбүлүкэтээҕи хамыыһыйа байыаннай сулууспалаахтары эбии хааччыйыыга былааннаах үлэтин салгыыр. Кэлэр нэдиэлэҕэ байыаннай дьайыы…