Дохсун ардаҕы күүтүҥ!

Дьокуускайдааҕы күнү-дьылы кэтээн көрөр сулууспа иһитиннэрбитинэн, чугастааҕы кэмҥэ Саха сирин кэккэ улуустарыгар дохсун ардах түһэрэ күүтүллэр.

Ол курдук, сарсын, от ыйын 20 күнүгэр Алдан, Нерюнгри, Амма, Чурапчы оройуоннарыгар күүстээх ардах түһүө диэн сэрэтэллэр.

Оттон Дьокуускай куоракка бу түүн уонна сарсын күнүс быстах ардах түһэн ааһыа. Ону таһынан быстах ардах Саха сирин хотугулуу-арҕаа өттүгэр уонна хоту түһүө.

Арай? Саха сирин соҕуруулуу-илин эрэ өттүгэр +33 кыраадыска диэри куйаас түһүө диэн rүнү-дьылы кэтээн көрөр сулууспа иһитиннэрэр. Өрөспүүбүлүкэ киин улуустарыгар уонна Дьокуускай куоракка күнүһүн +18…+23 кыраадыска тиийиэ.

Саха сирин арҕаа уонна хотугулуу-илин +21+26, соҕуруу, хоту, хотугулуу-арҕаа +13…+18 буолара сабаҕаланар. Оттон Арктика арҕаа кытылыгар күнүс + 6…+11 буолуо.