«Дохсун» успуорт уораҕайыгар  «Боотурдар оонньуулара» саҕаланна

«Дохсун» успуорт уораҕайыгар  көҥүл тустууга уолаттарга «Боотурдар оонньуулара»  өрөспүүбүлүкэтээҕи бэстибээл саҕаланна.

Күрэхтэһиигэ 1500-тэн тахса эдэр спортсменнар аҕыс саастарынан арахсан күөн көрсүөхтэрэ. Бу туһунан СӨ Ил Дарханын уонна Бырабыыталыстыбатын пресс-сулууспата суруйар.

Бэстибээл сылын ахсын 1999 сылтан ыытыллар. Тэрээһин Саха сириттэн көҥүл тустууга аан дойду бастакы кыайыылааҕа Илларион Федосеев аатын сүгэр. «Боотурдар оонньуулара» улахан тэрээһин ытылларыттан олус үөрэбин. Бу турнир мин эһэм аатын сүгэриттэн киэн туттабын. Бары ситиһиилэри, итиэннэ кыайыыны баҕарабын», — диэтэ Илларион Федосеев сиэнэ Дархан Федосеев.

Былырыын турнирга Саха сирин араас муннуктарыттан 800 спортсмен кыттыбыта.