«Дьоһун саас» лааҕыр быйыл өссө үлэлиэ дуо?

Share

Sakha-sire.ru саайтка Нам улууһун Хамаҕатта нэһилиэгэр «Дьоһун саас» биэнсийэлээхтэр түмсүүлэрэ аҕам саастаах дьоҥҥо анаммыт лааҕыры үлэлэтэн саҕалаабытын туһунан суруйуу тахсыбыта. Ааҕааччыларбыт интэриэһиргээн ыйыталлар: «Бу лааҕыр быйыл өссө үлэлиэ дуо? Атын сиртэн дьону ылар дуо?»

Хаартыска: Хамаҕатта нэһилиэгин дьаһалтата.

Лааҕыры салайар, олохтоох дьаһалта  уопсастыбаннаһы  кытта үлэҕэ исписэлииһэ Оротоо Сандаараҕа эрийэн, бу туһунан ыйыттыбыт.

— Лааҕырбыт бүгүн үһүс күнэ. Соҕотох олорор кырдьаҕастарбыт сэргэхсийэллэригэр, олоххо тардыһыылара күүһүрэригэр анаан тэрийбиппит. Сарсыарда эрдэ кэлэн, сэрээккэлииллэр, онтон аһыыллар. Ол кэнниттэн балаҕаҥҥа дьарыктар, маастар-кылаастар саҕаланаллар. Сорох күн атын сиргэ көрсүһүүлэргэ барабыт.

Лааҕырга сылдьар дьоммут олус астыналлар. Үлэбит түмүгэ ол буоллаҕа дии. Бу бастакы холонуубут буолан, кэлин хайдах табыгастаахтык ыытары өссө толкуйдуохпут, тупсарыахпыт. Быйылгы лааҕыр итиэннэ үлэлээбэт, эһиил үлэлэтиэхпит. Биһиги хантан да үбүлэммэппит, сылдьар дьонтон 1-дии тыһыынча солкуобайы хомуйбуппут, маны аһылыкка уонна улуус киинигэр киирэргэ, таксыыга туһанабыт.

Атын нэһилиэктэртэн дьону ылбаппыт. Биһиги холобурбутун үтүктэн, атын нэһилиэктэргэ аҕам саастаах дьоҥҥо анаммыт лааҕырдары тэрийэн үлэлэтиэхтэрин сөп. Баҕа эрэ наада. Үлэбитин ырытан көрөн баран, баҕар, эһиил граҥҥа киирсиэхпит, оччоҕо үлэбит далааһына кэҥиэ этэ, — диэн кини кэпсээтэ.

Лааҕыр иитиллээччилэрэ Л.С. Новгородова салалтатынан кылынан тымырдаайы оҥорууга үөрэннилэр. Намнааҕы педколледжка тиийэн, быыстапканы көрүөхтэрэ, Модут бэтэрээннэрин кытта көрсүһэн ирэ-хоро кэпсэтиэхтэрэ, сайыҥҥы чаҕылхай күнү көрсө ретро-фотосессия ыытыллыаҕа, пенсионнай управление иһинэн тэриллибит кииҥҥэ үөрэх ааһыахтара.

 

Recent Posts

  • Сонуннар
  • Уопсастыба

Өлүөнэ күргэтин тутуутун былаһааккатыгар өрүһү дириҥэтэр үлэҕэ бэлэмнэнии саҕаланна

«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…

15 минут ago
  • Сонуннар
  • Уопсастыба

Саха сирин Ытык кырдьаҕаһа Федора Иванова 104 сааһын туолла

Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…

45 минут ago
  • Байыаннай эпэрээссийэ
  • Сонуннар
  • Уопсастыба

Байыастарга олунньу 23 күнүгэр анаан бэлэхтэри ыыттылар

Аҕа дойдуну көмүскээччилэр күннэригэр диэри биир нэдиэлэттэн эрэ ордук кэм хаалла. Дьокуускайтан байыаннай дьайыы зонатыгар…

1 час ago
  • Быһылаан
  • Бэрээдэк
  • Сонуннар

Дьуһуурунай борокуруор: өлүктэр көһүннүлэр, харчыны уорбуттар…

Өрөспүүбүлүкэҕэ суукка иһигэр 4 буруйу оҥоруу туһунан иһитиннэрии киирдэ, диэн СӨ дьуһуурунай борокуруора биллэрэр. Дьокуускай…

2 часа ago
  • Байыаннай эпэрээссийэ
  • Сонуннар
  • Сүрүн

Күн сылааһын уонна эйэни түстүүр аналлаах – «КүнЭйэ»

Уус Алдан улууһун Найахы иистэнэр уран тарбахтаах далбар хотуттара дойду көмүскэлигэр сылдьар буойуннарга анаан таҥас,…

2 часа ago
  • Байыаннай эпэрээссийэ
  • Сонуннар
  • Уопсастыба

Бүгүн — Аҕа дойду тас өттүгэр ытык иэстэрин толорбут интернационалист буойуттар күннэрэ

Сыл аайы олунньу 15 күнүгэр Арассыыйаҕа Аҕа дойду тас өттүгэр ытык иэстэрин толорбут интернационалист буойуттар…

2 часа ago