Хаартыска: А.Сорокин (СИА)
Ил Дархан Айсен Николаев от ыйын 25 күнүгэр социальнай эйгэ үлэһиттэрин стратегическай сиэссийэтигэр кытынна. Кини билигин олох хаачыстыбатыгар уонна дьон дохуотугар болҕомтону хаһааҥҥытааҕар да уурар наадатын бэлиэтээтэ.
«2030 сылга өрөспүүбүлүкэҕэ дьадайыыны 2 төгүл аҕыйатар сүҥкэн сорук турар. Ол аата, бу кэм устатыгар биһиги уопсай күүспүтүнэн өссө 70 тыһыынча кэриҥэ киһини дьадьайыы туругуттан босхолуохтаахпыт”, — диэтэ.
Социальнай эйгэ саҥаттан саҥа соруктара “Саха сиригэр дохуоту үрдэтии уонна социальнай үтүө турук туһунан” Ил Дархан сотору илии баттыахтаах саҥа Ыйааҕар киллэриллиэхтэрэ. Өрөспүүбүлүкэҕэ үлэлиир, бэйэ дьыалатын сайыннарар, үлэ миэстэтин таһаарар туһугар сөптөөх усулуобуйа тэриллиэхтээх.
Санатан эттэххэ, 2023 сыл муус устар 1 күнүттэн 24 тыһыынчаттан тахса оробуочай идэлээх дьоҥҥо, уопсай салаа исписэлиистэригэр уонна сулууспалаахтарыгар хамнастара үрдэтиллибитэ. Социальнай көмүскэл эйгэтин үлэһиттэригэр орто хамнастара эмиэ эбиллибитэ.
2024 сыл тохсунньу 1 күнүттэн дойдуга үлэ төлөбүрүн алын кээмэйин улаатыннарыы күүтүллэр.
Үлэтэ суох дьону кытары үлэ туһунан эттэххэ, болҕомто идэҕэ үөрэтиигэ уонна эбии үөрэтиигэ ууруллуоҕа. Дьиэ кэргэттэр үлэҕэ кыахтарын туһаналларын туһугар социальнай хантараак өссө улахан суолталаныаҕа.
Федеральнай хамыыһыйа «Бастыҥ муниципальнай практика – 2025» Бүтүн Арассыыйатааҕы күрэх кыайыылаахтарын биллэрдэ, кинилэр ахсааннарыгар Саха…
Саха сиригэр дьиэ кэргэҥҥэ атаҕастаныыттан сэрэтэр сокуону ылынарга этии киллэрдилэр. «Атаҕастаныыттан дьиэ кэргэн быраабын көмүскээһин»…
Үс уонна онтон элбэх оҕону төрөппүт дьахталлар, сөптөөх үлэ ыстаастаах буоллахтарына, болдьоҕун иннинэ биэнсийэҕэ тахсар…
«Сосновай бор» оҕону сынньатар, чэбдигирдэр кииҥҥэ «Көлүөнэ уопута» симиэнэ улахан ситиһиилээхтик ыытылынна. Бу ураты бырайыак…
Страховка бааны ночооттон, оттон кирэдьиит ылааччыны – болдьоҕун аһарыыттан көмүскүүр. Холобур, кирэдьиит ылааччы ыараханнык ыалдьан…
Хотугу сахалар бу кэмҥэ бултууллар, ол иһин бу ыйы ох ыйа дииллэр. Олоҥхоттон сэтинньигэ уруу…