Дойду 400 үрдүк үөрэҕин кыһатыгар урбаан технологическай хайысхатыгар дьарыктаныахтарын сөп

Арассыыйа 400 үрдүк үөрэҕин кыһатын устудьуоннара идэлэрин таһынан технологическай урбаанньыт быһыытынан бэйэлэрин боруобалыахтарын сөп.

— Сүрүн сорук — устудьуоннар идэлээх үөрэҕи ылалларын таһынан, идэтийбит үөрэхтээһин систиэмэтигэр урбааҥҥа бэйэлэрин атын идэҕэ боруобаланан көрөллөрүгэр  усулуобуйаны тэрийии. Ол курдук, дойду 400-чэ үрдүк үөрэх кыһатын устудьуона бэйэтин биирдиилээн технологическай урбаанньыт быһыытынан идэтинэн эбэтэр хайысхатын таһынан дьарыктанан көрүөн  сөп.

Быйыл 2,5 тыһыынча устудьуоҥҥа научнай-техническэй эйгэҕэ аччыгый урбаан сайдыытыгар көмөлөһөр пуонда (Бортник пуондата) нөҥүө 1 мөлүйүөн солкуобай суумалаах грант бэрилиннэ. Онон ыччаттар бэйэлэрин баҕа санааларын олоххо киллэрэр кыахтаахтар, — диэн бэлиэтээтэ РФ Үөрэҕин уонна наукатын министиэристибэтин салайааччыта Валерий Фальков.