Хаартыска: Людмила Попова.
Оскуола үөрэнээччилэрэ дьиэҕэ үлэни уонна хонтуруолунай үлэни толорууга аҕыйах бириэмэни барыахтаахтар. Бу туһунан дойду Бэрэсидьиэнэ Владимир Путин Федеральнай Мунньахха Этиитин түмүгүнэн сорудах биэрдэ диэн үөс сир сонуну киэҥник тарҕатар ситимнэрэ сырдаталлар.
РФ Бырабыыталыстыбатыгар “оскуола үөрэнээччилэригэр дьүөрэлэһэр, сөптөөх уонна түмүктээх үөрэх уонна иитии (уруок, уруок таһынааҕы дьарык) ноҕоруускатын” тэрийиигэ миэрэлэри ылалларыгар сорудахтаабыт.
“Оҕолорго үөрэх ноҕорууската толкуйдаммыт уонна сөптөөх буолуохтаах. Уруокка биири үөрэтэллэрэ, эксээмэҥҥэ атыны ыйыталлара табыллыбат. Үөрэх бырагыраамата уонна эксээмэн боппуруостара сөп түбэспэт буолуулара, хомойуох иһин, төрөппүттэр репетитордары наймылаһыыларыгар тириэрдэр. Маны хас биирдии киһи уйунар кыаҕа суох” – диэн Бэрэсидьиэн Федеральнай Мунньахха туһаайыытыгар эппитэ.
Дакылааты дойду баһылыга ахсынньы 1 күнүгэр диэри бэлэмнииллэригэр сорудахтаабыт, эппиэтинэстээҕинэн Бырабыыталыстыба Бэрэссэдээтэлэ Михаил Мишустин анаммыт.
Бүгүн төрөппүттэр тустаах тиэмэни ырыталлар – ким эрэ сөпсөһөр, ким эрэ иллэҥ бириэмэлэригэр көмпүүтэргэ оонньуохтара эбэтэр уулуссаны “мээрэйдиэхтэрэ”, онно-манна түбэһиэхтэрэ диэн утарар.
Национальнай сыаллары ситиһэргэ сыһыаннаах боппуруостар уонна систиэмэлээх соруктар бырабыыталыстыба, министиэристибэлэр уонна биэдэмистибэлэр, муниципальнай тэриллиилэр баһылыктарыттан…
Бу чааска Дьокуускай куорат мээрэ Евгений Григорьев суруналыыстары кытта көрсүһүүтэ буола турар. Мээр сыл аайы…
Судаарыстыбаннай Дуума элбэх кыбартыыралаах дьиэ сэбиэтин чилиэннэригэр баайы-дуолу көрүүгэ-харайыыга үлэ уонна өҥө толоруллуутун туһунан докумуоннарга…
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…