Дойду Бырабыыталыстыбатын отчуота кулун тутар 26 күнүгэр буолуоҕа

Госдуумаҕа Дойду Бырабыыталыстыбатын 2024 сыллааҕы отчуота кулун тутар 26 күнүгэр буолуоҕа.

Ол туһунан Госдуума бэрэссэдээтэлэ Вячеслав Володин бэйэтин ТГ-ханаалыгар иһитиннэрдэ.

«Госдуумаҕа 2024 сыллааҕы Бырабыыталыстыба отчуотугар бэлэмнэнии үлэтэ ыытыллар. Отчуот кулун тутар 26 күнүгэр буолуоҕа. Отчуот кэмигэр бырабыыталыстыбаҕа ыйытыктар этиллиэхтэрэ», — диэн Вячеслав Володин суруйар.

Кини дойду олохтоохторугар дьүүллэһии тиэмэтин көҕүлүүргэ кыах баарын туһунан эттэ. Вячеслав Володин этиилэри ТГ-ханаалыгар күүтэр.

Санаттахха, бу сыл кулун тутар 5 күнүгэр Госдуумаҕа бырабыыталыстыба чааһа ыытыллыбыта, онно миниистирдэр дьокутааттар ыйытыыларыгар хоруйдаабыттара. Бу мунньах кэмигэр Вячеслав Володин Доруобуйа харыстабылын миниистирэ Михаил Мурашкоҕа миэдиктэри анал сыала суох үөрэтэр кэммиэрчэскэй үрдүк үөрэх кыһалара баалларын туһунан кэккэ ыйытыктар баалларын ыйбыта. Госдуума спикерэ «бу эмчиттэри үөрэтии хаачыстыбата хайдаҕый?» диэн ыйытык биэрбитигэр Мурашко сөптөөх хоруйу биэрбэтэҕэ. Дьокутаат Михаил Матвеев санаатынан, Вячеслав Володин Доруобуйа харыстабылын миниистиригэр сиэрдээх бэлиэтээһини оҥорбут.