Дойду эрэгийиэннэриттэн баһаары бохсууга көмөлөһө кэллилэр

СӨ Аҕа баһылыгын уонна Бырабыыталыстыба пресс-сулууспата иһитиннэрбитинэн, баһаары бохсууга өрөспүүбүлүкэҕэ 1 тыһыынчаттан тахса киһи үлэлиир. Ол иһигэр 600-тэн тахса авиация, 150-тан тахса киһи — ойууру харыстааһыҥҥа үлэлиир баһаарынай сулууспалар исписэлиистэрэ, 116 Арассыыйа ЫБМ үлэһиттэрэ, 85 олохтоох дьон ойуур баһаарын умулларыыга үлэлииллэр. Бүгүн кинилэргэ көмөлөһө дойду эрэгийиэннэриттэн  408 киһи эбии кэллэ. Дмитрий Садовников бэлиэтээбитинэн, өссө 100-тэн тахса киһи Сыктывкартан, Бурятияттан уонна  Забайкалье кыраайыттан кэлиэхтэрэ.

Бүгүҥҥү күҥҥэ ойуур баһаара өрөспүүбүлүкэ соҕуруулуу-илин — Уус Маайа уонна Алдан оройуоннарыгар  баара биллэр. Ол эрээри уот атын сиргэ тарҕаныыта улааппакка,  балаһыанньа бу эҥэр сыыйа көнөн эрэр. Ойуур баһаара хотугулуу-илин – Орто Халыма уонна Үөһээ Халыма улуустарыгар баара биллэр.