До выборов президента РФ
00 дней
:
00 часов
:
00 минут
:
00 секунд
Дойду эрэгийиэннэриттэн баһаары бохсууга көмөлөһө кэллилэр

Дойду эрэгийиэннэриттэн баһаары бохсууга көмөлөһө кэллилэр

17.07.2023, 19:26
Хаартыска: СИА
Бөлөххө киир:
Саха сиригэр ойуур баһаарын бохсууга анаан көмөлөһө 408  киһи Арассыыйа араас эргэгийиэннэриттэн көтөн кэллилэр.
Бу туһунан киин федеральнай ыстаап  мунньаҕар СӨ Бырабыыталыстыбатын бэрэссэдээтэлин солбуйааччы Дмитрий Садовников иһитиннэрдэ. Суһал ыстаап чахчытынан, бүгүҥҥү күҥҥэ Саха сиригэр 494 597,5 га иэннээх 121 ойуур баһаара буола турар. Уонна биир «ландшафтнай» дэнэр ойуур баһаара  14 га сиргэ баара биллэр. Үгүс баһаар киһи олорбот ыраах хайалаах сирдэргэ этиҥтэн сылтаан барар.

СӨ Аҕа баһылыгын уонна Бырабыыталыстыба пресс-сулууспата иһитиннэрбитинэн, баһаары бохсууга өрөспүүбүлүкэҕэ 1 тыһыынчаттан тахса киһи үлэлиир. Ол иһигэр 600-тэн тахса авиация, 150-тан тахса киһи — ойууру харыстааһыҥҥа үлэлиир баһаарынай сулууспалар исписэлиистэрэ, 116 Арассыыйа ЫБМ үлэһиттэрэ, 85 олохтоох дьон ойуур баһаарын умулларыыга үлэлииллэр. Бүгүн кинилэргэ көмөлөһө дойду эрэгийиэннэриттэн  408 киһи эбии кэллэ. Дмитрий Садовников бэлиэтээбитинэн, өссө 100-тэн тахса киһи Сыктывкартан, Бурятияттан уонна  Забайкалье кыраайыттан кэлиэхтэрэ.

Бүгүҥҥү күҥҥэ ойуур баһаара өрөспүүбүлүкэ соҕуруулуу-илин — Уус Маайа уонна Алдан оройуоннарыгар  баара биллэр. Ол эрээри уот атын сиргэ тарҕаныыта улааппакка,  балаһыанньа бу эҥэр сыыйа көнөн эрэр. Ойуур баһаара хотугулуу-илин – Орто Халыма уонна Үөһээ Халыма улуустарыгар баара биллэр.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
21 февраля
  • -36°C
  • Ощущается: -36°Влажность: 68% Скорость ветра: 0 м/с

Сообщить об опечатке

Текст, который будет отправлен нашим редакторам: