Хаартыска: pxhere.com/ru
Дойду Үөрэҕириитин министиэристибэтэ педагогическай хайысхалаах үрдүк үөрэхтэр устудьуоннарыгар анал истипиэндьийэлэри олохтоон эрэр. Истипиэндьийэ талааннаах ыччаты өйүүргэ, педагог буолуохтаах эдэр дьону көҕүлүүргэ уонна учуутал идэтин аатын-суолун үрдэтэргэ туһаайыллар. Бу туһунан дойду Үөрэҕириитин министиэристибэтин саайтыгар суруйаллар.
“Саҥа үөрэх дьылыттан дойду үрдүк үөрэҕин бары кыһаларын педагогическай хайысхатын устудьуоннара үөрэххэ ураты ситиһиилэрин иһин анал истипиэндьийэни ылыахтарын сөп. Бу учуутал идэтин аатын-суолун үрдэтэргэ уонна талааннаах эдэр исписэлиистэри үөрэх эйгэтигэр сыһыарарга дьоһуннаах хардыынан буолуоҕа. Истипиэдьийэни үрдүк билиилээх уонна педагогика билимигэр ситиһиилээх устудьуоннарга аныахтара” – диэн РФ Үөрэҕириитин миниистирэ Сергей Кравцов бэлиэтиир.
Анал истипиэндьийэлэри Арассыыйа үөрэҕин уһулуччулаах диэйэтэлллэрэ А.С.Макаренко, В.А.Сухомлинскай, К.Д.Ушинскай, Л.С.Выготскай, Н.М.Карамзин аатынан олохтоотулар.
Истипиэндьийэлэри бу 2025 сыл балаҕан ыйын 1 күнүттэн сыллата куонкурус түмүгүнэн туттарыахтара. Докумуону тутууну бу сыл сайыныттан саҕалыахтара. Кээмэйэ 15 тыһ. солк. Куонкурус хамыыһыйата биэс истипиэндьийэ аайы уоннуу устудьуону талыаҕа диэн суруйаллар. Сиһилии манна ааҕыҥ.
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…
Дьокуускай куорат уокуругун үс оскуолатыгар саҥа дириэктэрдэр ананнылар. Дьокуускай куорат 17-с №-дээх орто уопсай үөрэхтээһин…
Саха сиригэр биир нэһилиэк урукку баһылыгар муниципалитет баайын-дуолун сымыйанан учуоттан уһулан, бэйэтигэр иҥэриммитигэр бириигэбэр сокуоннай…
«Аҕа дойдуну көмүскээччилэр» судаарыстыбаннай пуонда Саха сиринээҕи салаатын үлэтэ саҕаланыаҕыттан, 11,5 тыһыынчаттан тахса киһиттэн, ол…