Дойду Үөрэҕириитин министиэристибэтэ уруок наардалын барыйааннарын оҥорбут

РФ Үөрэҕириитин министиэристибэтэ оҕолорго уонна учууталларга үөрэх ноҕоруускатын бэрээдэктиир инниттэн, 2025-2026 үөрэх дьылыгар 1-11 кылаастар уруоктарын наардалын барыйааннарын оҥорбут. Бу туһунан Российская газета суруйар.    

Барыта 30 барыйаан оҥоһуллубут: нэдиэлэҕэ биэс күн үөрэнээччиллэргэ, субуотаҕа үөрэнээччилэргэ.  Алын сүһүөх оскуолаҕа (1-4 кылаастар) – биэс барыйааны, сүрүн уопсай үөрэхтээһиҥҥэ (5-9 кылаастар) – алта, орто уопсай үөрэхтээһиҥҥэ (10-11 кылаастар) – букатын 19.

“Хас биирдии оскуола биир кэлим федеральнай ирдэбил иитинэн бэйэтин усулуобуйатыгар сөп түбэһэр наардалынан үөрэтиэн сөп. Бу наардаллар Роспотребнадзор сөбүлэҥин аастылар, эрэгийиэннэргэ тириэрдилиннилэр” – диэн Үөрэҕирии министиэристибэтигэр иһитиннэрбиттэр. Бу туһунан Российская газета суруйар.