Хаартыска: freepik.com
Арассыыйа үрдүнэн арыгыны атыылыыр чааһы федеральнай таһымҥа сыыйа 11:00 чаастан 19:00 чааска диэри кылгатыахха наада диэн РФ Уопсастыбаннай балаататын демографияҕа, дьиэ кэргэни, оҕону көмүскээһиҥҥэ уонна дьиэ кэргэн сыаннастарыгар анаммыт хамыыһыйатын бэрэссэдээтэлэ Сергей Рыбальченко иһитиннэрдэ.
«Бүгүҥҥү күҥҥэ федеральнай таһымҥа баар арыгыны атыылыыр хааччахтар — сарсыарда 08:00 чаастан 23:00 чааска диэри кытаатыннарыллыахтаахтар», — диэн Сергей Рыбальченко ТАСС кэпсэтиитигэр бэлиэтээтэ. Кини сэбиэскэй кэмҥэ арыгы 11:00 чаастан 19:00 чааска диэри эрэ атыыламмытын санатан эттэ. Кини этэринэн, арыгы атыыланар кэмин сыл аайы биир чааһынан кылгатан, кэлин атыылыыр муҥутуур кылгас кэмигэр тиийэр ордук табыгастаах буолуо этэ. Ону таһынан, Рыбальченко уопсастыбаннай аһылык эйгэтиттэн ураты, өрөбүл уонна бырааһынньык күннэргэ арыгы атыытыгар эбии хааччахтары киллэрэри наадалааҕынан ааҕар.
Санатан эттэххэ, Саха сиригэр арыгы атыыта күнүс 14:00 чаастан 20:00 чааска диэри эрэ көҥүллэнэр. СССР-га 1972 сылтан арыгыны 11:00 чаастан 19:00 чааска диэри эрэ атыылаһар кыах баара, оттон 1980-с сылларга арыгыны утары хампаанньа кэмигэр бу кэм 14:00–19:00 чааска диэри кылгатыллыбыта.
Саха омук мусукаалынай култууратыгар уһулуччулаах кылааты киллэрбит композиторбыт, Кэбээйи улууһуттан төрүттээх Захар Степанов төрөөбүтэ 95…
Саха сирин олохтоохторо уонна улуус дьаһалталара байыаннай дьайыыга сылдьар биир дойдулаахтарыгар өрүү көмөлөһөллөр. Бу өйөбүл…
«Тута» позывнойдаах Арассыыйа Дьоруойун Андрей Григорьевы СӨ мас-рестлиҥҥэ федерациятын бочуоттаах чилиэнинэн уонна вице-бэрэсидьиэнинэн таллылар. Дастабырыанньаны…
Бу сыл сааскы-сайынҥы кэмигэр «Нерюнгри аэропорда» филиалга саҥа маршрут арыллар диэн СӨ Тырааныспарга уонна суол…
Кэлиҥҥи кэмҥэ агро-оскуолалар эбии үөрэхтээһин хайысхатын таба туһанан, бэйэ бородууксуйатын оҥорон таһаарыыга, оҕону урбаан салаатыгар…
Икки сыл анараа өттүгэр, 2024 сыл олунньу 15 күнүгэр, Арассыыйа Федерациятын Бэрэсидьиэнин Ыйааҕынан байыаннай иэһин…