Хаартыска: "Спорт Якутии" саайтан
Бырагыраама иһинэн исписэлиистэргэ биир кэмнээх төлөбүр көрүллэр.
Дойду үрдүнэн «Физическэй култуураны уонна спорду сайыннарыы» судаарыстыбаннай бырагыраама иһинэн «Земскэй тириэньэр» саҥа бырагыраама быйыл атырдьах ыйыгар саҕаламмыта. Бу туһунан Арассыыйа успуорка министиэристибэтин пресс-сулууспата иһитиннэрэр.
Бырагыраама 50 тыһыынчаҕа диэри нэһилиэнньэлээх кыра куораттарга уонна сэлиэнньэлэргэ успуорка квалификациялаах исписэлиистэри үлэҕэ тардыыга туһуланар.
Арассыыйа бэрэсидьиэнэ Владимир Путин сорудаҕынан саҕаламмыт «Земскэй тириэньэр» бырагыраама сыл аайы успуорт эйгэтигэр тахсар 960-ча үлэ миэстэни толорорго көмөлөһүөҕэ.
«Биһиги уһун болдьохтоох көдьүүстээх түмүккэ эрэнэбит: каадыр биэс сыл устата хайаан да үлэлээтэҕинэ, эрэгийиэҥҥэ туруктаах каадыр баазата оҥоһуллар, оттон төлөбүрдэр тириэньэрдэргэ үчүгэй көҕүлээһининэн буолуохтара. Бырагыраама дойду спортивнай кыаҕын бөҕөргөтөрүгэр эрэллээхпин», — диир успуорт миниистирэ Михаил Дегтярев.
Бырагыраамаҕа тыа сиригэр уонна кыра куораттарга үлэлии барар исписэлиистэргэ биир кэмнээх төлөбүр көрүллэр. Төлөбүр суумата Уһук Илиҥҥэ эбэтэр Донецкай уонна Луганскай норуодунай өрөспүүбүлүкэлэригэр барар дьоҥҥо икки мөлүйүөн солкуобай, оттон атын эрэгийиэннэргэ барааччыларга биирдии мөлүйүөн солкуобай буолуоҕа, диэн “Спорт Якутии” саайт иһитиннэрэр.
Бүгүн, олунньу 6 күнүгэр, Офтальмология өрөспүүбүлүкэтээҕи балыыһатын кылаабынай бырааһа Иван Луцкан суруналыыстары кытары үгэскэ кубулуйбут…
Горнай улууһугар Атамай орто оскуолатыгар сыллата "Сомоҕолоһуу - ситиһии төрдө" диэн төрөппүт дэкээдэтэ үрдүк таһымнаахтык…
Майаҕа быйыл "Ларионов ааҕыыларыгар" өрөспүүбүлүкэ оскуолаларыттан 500 оҕо кытынна. Бүгүн саха биллиилээх учуонайа, профессор Владимир…
В.Д.Лонгинов аатынан Атамай орто оскуолатын алын сүһүөх кылааһын алта эдэр чинчийээччитэ Бүтүн Арассыыйатааҕы "Юный исследователь"…
"100% көмүскэллээхпин диэн эрэммитим": диэн күүстээх санаа баһылаабытын туһунан Арассыыйа Дьоруойа Андрей Григорьев "Россия 1"…
Дьиэҕэ олорон үлэлииргэ-үөрэнэргэ элбэхтик хамсаммат буоллахха, бу доруобуйаҕа охсуулаах буолуон сөп. Аан бастаан харах уонна…