Хаартыска: "Амма олоҕо" хаһыат
Амма улууһун делегациятын байыаннай дьайыыга кытта сылдьар уолаттарга баһыылкалары тиэрдэр сыаллаах командировката салҕанар. Сырыы табылларыгар бэл күн-дьыл кытта анаабыт курдук туран биэрдэ, “Амма олоҕо” хаһыат суруйар.
Улуус баһылыгын маҥнайгы солбуйааччы Василий Бураев, улуус депутаттарын Сэбиэтин бэрэссэдээтэлэ Владимир Колосов, Соморсун нэһилиэгин баһылыга Алексей Кононов Украина сиригэр үлэлэрэ сарсыарда 6 чаастан, халлаан сырдыыта саҕаланар. Биир дойдулаахпыт, Донецкай народнай өрөспүүбүлүкэҕэ баар Саха сиринээҕи тирэх пуун куратора Петр Лебедев өйөбүлүнэн икки массыына көрүллэн, онно толору таһаҕас тиэнэн нэһилиэктэринэн Амма байыастарын көрсө бараллар. Бүгүн эмиэ сүүрбэччэ уолу көрүстүбүт диэн төлөпүөнүнэн кэпсэтиибитигэр этэллэр.
—Нэһилиэктэр икки ардылара чугас соҕус буоланнар балачча элбэх сиргэ сырыттыбыт. Дьиктитэ баар, күн-дьыл туруга ити икки ардыгар сүрдээҕин араастаһар эбит. Биир сиргэ хаар түһэ турар буоллаҕына, 50-ча килэмиэтири айаннааккын кытары ардахтаах, күөх оттоох нэһилиэккэ тиийиэххин сөп. Хата, үөрүөхпүт иһин, биһиги дьолбутугар туман түһэн биэрдэ, инньэ гынан иһирдьэ соҕус баар уолаттарбытыгар, танкистарга кытта тиийэ сырыттыбыт. Эрдэттэн болдьоспут буоламмыт дьоммут хата кэтэһэн турар буолаллар. Сорохторго, байыаннай дьайыы бара турар кыраныыссатыгар кыайан тахсыбатахтарга таһаҕастарын хааллардыбыт. Уолаттарбыт үөрүү бөҕөлөрө. “Дойдубут салгынан аҕалбыккыт” диэн олох ис сүрэхтэриттэн дьоллоноллор, оҕолор суруктарын аахтахпытына уйадыйан ылабыт дииллэрин истэн киһи бэйэтэ даҕаны хараастар.
Икки массыынаҕа толору тиэммит аспытын, таһаҕастарбытын, буойуттарбыт сакаастарынан баһыылкаларбытын тарҕатан күҥҥэ 400-600 килэмиэтири айанныыбыт. Комендантскай чаас буолуор диэри опорнай пууҥҥа эргиллэн кэлиэхтээхпит, онон түргэн-тарҕан соҕустук да буоллар элбэх киһини көрсөммүт күннээҕи сыалбытын-сорукпутун ситиһэбит, — диэн Владимир Владимировичтаах айаннарын хаамыытын ыраахтан сиһилии билиһиннэрэ олороллор.
Бу сырыыга командировкалаахтар Амма буойуттарыгар барыларыгар мамонт муоһуттан харысхаллары, Амма улууһа гербэлээх шевроннары туттартаатылар. Үрдүк, сырдыкы күүстэртэн алгыстаах харысхаллар уолаттарбыт тыыннарын харыстаатын, этэҥҥэ, доруобай эргиллэн кэлэр күннэрин бары күүтэбит.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…