Дойдуга 10-18 саастарыгар диэри оҕолорго тимир суолунан ыраах айаҥҥа 50% чэпчэтиилэр олохтоннулар

РФ Бырабыыталыстыбата Федеральнай антимонольнай сулууспаҕа тимир суолунан айан сырыыга оҕолорго 50%-наах чэпчэтиилээх тарыыптары олохтуурга сорудахтаата.

Бу туһунан Бырабыыталыстыба бэрэссэдээтэлэ Михаил Мишустин РФ Бырабыыталыстыбатын кулун тутар 4 күнүнээҕи уураахха илии баттаата. Докумуонунан тимир суол тарыыптарыгар уонна чэпчэтиилэригэр маннык уларыйыылар бигэргэннилэр:

— Арассыыйа гражданнарын 10-тан 18-гар диэри саастаах оҕолоро түргэн тэтимнээх пуойастартан ураты ыраах айаҥҥа сылдьар пуойастарга 50%-наах чэпчэтиилэри туһанар бырааптаахтар (плацкарт, уопсай вагоннар, ону тэҥэ 2-с уонна 3-с кылаастаах вагоннар);

— оттон 10 саастарыгар диэри Арассыыйа территориятыгар олорор оҕолорго билиҥҥи тарыыптар туһаныллаллар;

— 2026 сылга диэри ыраах айаҥҥа сылдьар пассажирдар тарыыптарын индексациялааһына ыытыллыаҕа.

Ону таһынан РФ Бырабыыталыстыбата Тимир суол тырааныспарын федеральнай ааҕыныстыбатыгар дойду иһигэр ыраах сырыыларга тарыыптары бэлэмнээһиҥҥэ судаарыстыбаннай сакаас быһыытынан бөдөҥ таһаҕаһы тиэйиигэ субсидия көрүллэрин суоттуурга сорудахтаата.