Дойдуга Арктика сылын биллэрии туһунан Юрий Трутнев этиитин Айсен Николаев өйөөтө

Ил Дархан Айсен Николаев үлэтинэн Өлөөн оройуонугар тиийэ сылдьан, Уһук Илин федеральнай уокурукка РФ бэрэсидьиэнин боломуочуйалааҕа Юрий Трутнев 2027 сылга дойду үрдүнэн Арктика сылын биллэрии туһунан этиитин өйүүрүн иһитиннэрдэ.

«Мин сүүс бырыһыан Арктика сылын биллэрии туһунан этиини өйүүбүн. Биһиэхэ, Саха сиригэр, Арктика сирбит улахан аҥаарын ылар. Арктика үтүөтүнэн ньиэп уонна гаас бырамыысыланнаһын Арассыыйа сайыннарар. Дойду бэрэсидьиэнэ Владимир Путин Арктиканы сайыннарыыны дойду сайдыытыгар инники күөҥҥэ туруорбута», — диэн бэлиэтээтэ Ил Дархан.

Бэлиэтээн суруйдахха, Юрий Трутнев Уһук Илини сайыннарыы министиэристибэтигэр дойдуга Арктика сылын биллэрии боппуруоһугар үлэлэһиини сорудахтаабыта.