Дойдуга байыаннай мемориаллары киртитиигэ холуобунай эппиэтинэһи киллэриэхтэрэ

Дойду Бырабыыталыстыбата Госдумаҕа Холуобунай Кодексатын 243.4 ыстатыйатыгар уларытыыны киллэрэр сокуону барылын оҥорон киллэрдэ.

Билигин үлэиир федеральнай сокуонунан пааматынньыктары, байыаннай көмүүлэри, стелалары, обелисктары, о.д.а. мемориаллары алдьатыы, киртитии иһин 5 сылга диэри көҥүлү быһыахтарын сөп. Онуоха ити эбийиэктэри киртитиигэ холуобунай эппиэтинэс көрүллүбэт. Холобур, мемориалга сурук суруйуу эбэтэр Мэҥэ уокка аһылыгы буһарыы, күөс оргутуу. Чопчу маннык түбэлтэлэр кэнники сылларга дойду үрдүнэн уопсастыбаҕа ордук аймалҕаны таһаараллар, диэн сокуон барылын көҕүлээһинин ааптардара бэлиэтииллэр.

Сокуону оҥорооччулар бэлиэтииллэринэн, бу хайысханан буруйу оҥоруу ахсаана 2024 сыл бастакы аҥаарыгар 216 тэҥнэспит. Оттон 2022 с. олунньу ыйыттан — 370-тан тахса чахчылар бэлиэтэммиттэр, ол эрээри сөптөөх холуобунай быраап өттүнэн сыанабылы ылбатахтар. Дойду Бэрэсидьиэнин сорудаҕынан бу итэҕэһи көннөрөргө сыал турар.

Санатан эттэххэ, быйыл дойду үрдүнэн Аҕа дойду Улуу сэриитигэр Кыайыы 80 сылын бэлиэтиэхпит.