Хаартыска: Ньурбатааҕы киин балыыһа
Дойду рдүнэн балыыһа таһынан ойоҕостотуунан ыалдьыы элбээһинэ бэлиэтэнэр, 100 тыһыынча нэһилиэнньэҕэ ыалдьыбыт дьон ахсаана 629-ка тиийдэ. Бу туһунан «РИА Новости» Доруобуйа харыстабылын министиэристибэтин сүрүн пульмонолога, Сеченов аатынан университет пульмонологияҕа уонна респираторнай мэдиссиинэ килииньикэтин дириэктэрэ Сергей Авдеев кэпсээтэ.
«Статистика көрдөрөрүнэн, ойоҕостотуунан ыалдьыы сыыйа үрдээн иһэр уонна бүгүҥҥү күҥҥэ 100 тыһыынча нэһилиэнньэҕэ 629 түбэлтэҕэ тэҥнэстэ», — диэн Авдеев дааннайдары эттэ. Балыыһа таһынааҕы ойоҕостотуу диэн эмтиир тэрилтэ таһыгар эбэтэр балыыһаҕа киирбит кэннэ бастакы 48 чаас иһигэр сайдыбыт тыҥа сыстыганнаах ыарыынан сүһүрүүтэ ааттанар. Бу ыарыы тыынар уорганнар аллараа өттүлэрэ сүһүрүүтүнэн доҕуһуолланар. Эмтииргэ антибиотиктары, кыраадыһы түһэрэр уонна сөтөлтөн эмтэри тутталлар. Сорох түгэннэргэ ыарыһахтары балыыһаҕa киллэрэллэр. Исписэлиис этэринэн, өлүү түбэлтэтэ 100 тыһыынча нэһилиэнньэҕэ 8 кэриҥэ буолар. Бу көрдөрүү сылтан сыл аайы уларыйбат диэн кини бэлиэтээтэ.
Авдеев санаттарынан, пневмония сүрүн бэлиэлэринэн сөтөл уонна сил тахсыыта буолаллар. Ону таһынан ыарыһахха тыын хаайтарыыта, тыынарга эбэтэр сөтөллөргө түөс ыарыыта, эбэтэр хааннаах сөтөл көстүөн сөп. Биэдэмистибэҕэ ыарыыны сэрэтэр саамай көдьүүстээх дьаһалынан пневмококковай уонна гемофильнай инфекциялартан, кирииптэн, куортан уонна коклюштан быһыыны ылыыны ааттаатылар. Пневмониянан киһи сааһыттан тутулуга суох ыалдьар.
Ыарыы кутталлаах — дьон, ордук кырдьаҕастар, кыра оҕолор уонна мөлтөх иммунитеттаахтар өлөр түбэлтэлэрэ көстөр.
СӨ Ньурбатааҕы оройуонун суутун быһаарыытынан борокуруор этиитэ толорулунна. Ол курдук, Ньурба куорат дьаһалтата сөптөөх үлэни…
Ньиэп сыаната хамсаабытын үрдүнэн, уматык сыаната уонча сылы быһа тохтоло суох үрдээн иһэр, онон уматыгы…
Өрөспүүбүлүкэ үбүн миниистирин эбээһинэһин толорооччу Иван Алексеев «Актуальное интервью» биэриигэ тыа хаһаайыстыбатыгар үбүлээһин суумата, бастакы…
Кэбээйи оройуонун суутун уурааҕынан Сангаар олохтооҕо Административнай быраабы кэһии туһунан кодексатын 6.1.1 ыстатыйатыгар көрүллүбүт административнай…
Сэтинньи ый Олоҥхо ыйыгар ананар. Кэбээйи улууһун Куокуй нэһилиэгэр Олоҥхо декадата саҕаланна. [gallery ids="254508,254509"] Тимофей…
Бүддьүөт син биир социальнай хайысхалаах диэн өрөспүүбүлүкэ үпкэ миниистирин эбээһинэһин толорооччу Иван Алексеев "Якутия 24"…